Әһли Бејт (әлејһимус-сәлам) - АБНА – Хәбәр Аҝентлији:
Фәләстинин һүгуглары уғрунда апарылан мүбаризә кампанијаларына зәрбә вурмаг үчүн Исраилин ән ҝүҹлү тәблиғат силаһларындан бири Һолокост да дахил олмагла јәһуди тарихиндән суи-истифадә етмәкдир. Бу јолла сионист режим гејри-јәһудиләрә гаршы өз ҹинајәтләринә бәраәт газандырыр. Сөзсүз ки, Һолокост бәшәријјәт тарихинин ән амансыз фаҹиәләриндән биридир. Фашист Алманијасы јәһудиләри вә онларын динини јер үзүндән силмәк үчүн бөјүк гәддарлыглара әл атмышдыр.
Икинҹи Дүнја мүһарибәсиндән әввәл вә мүһарибә дөврүндә јәһудиләрә гаршы насист нифрәтини көрүкләндирән әсас фактор мәһз анти-семитизм олуб. О вахтдан бәри Исраил анти-семитизми бәһанә силаһына чевирәрәк Һолокосту инкар едәнләрә, нео-насистләрә, анти-семитизм мүдафиәчиләринә гаршы мәһарәтлә истифадә етди. Бунунла кифајәтләнмәјән јәһуди лоббиси вә Исраил дөвләти Фәләстиндәки мүсәлман вә христианларын өз мүстәсна һүгуглары уғрунда апардыглары һагг мүбаризәсини гараламаг үчүн дә истифадә етди.
Һазырда Исраилә гаршы һәр һансы тәнгид јәһуди лоббиси тәрәфиндән дәрһал анти-семитизм адландырылыр. Јәһудиләрлә бағлы артмагда олан һәр һансы зоракылыг јөнүмлү инсидентә анти-семитизм дамғасы вурмаг артыг Америка парламентиндә ади һал алыб. Нәјә ҝөрә? Чүнки Исраилјөнүмлү лоббичиләр истәјирләр ки, Америка халгы Исраилин Фәләстиндә төрәтмәкдә олдуғу ҹинајәтләрдән хәбәр тутмасын, сионист режимин инсан һүгуглары илә бағлы һәр нөв бејнәлхалг конвенсијаны неҹә тапдаладығы ҝизли галсын. Бу мәнада ортаја чыхан һәр һансы јәһуди вә Исраил тәнгидчилији дәрһал анти-семитизм дамғасы илә сусдурулур.
Јәһуди лоббиси иддиа едир ки, тәнгидчиләр Исраил дөвләтини тәкләјирләр вә ҝуја Исраил әсассыз јерә дүнјада ән чох тәнгидә мәруз галан дөвләтдир. Лакин, әлбәттә ки, бу иддиа доғру дејил. Әслиндә исә Исраил дүнјада јеҝанә дөвләтдир ки, өзүнү демократија адландырыр, азадлыглар өлкәси кими гәләмә верир, лакин ејни заманда апертеид типли расизмә әсасланан сијасәт јүрүдүр, бу сијасәти тәнгид едән өз вәтәндашларына белә тәзјигләр ҝөстәрир, ачыг шәкилдә инсанлара гаршы ирги вә дини ајрысечкилијә јол верир.
Һазырда дүнјанын мүхтәлиф јерләриндә, мүхтәлиф мүстәвиләрдә әдаләтин бәрпасы уғрунда фәалијјәтләр ҝөстәрилир, мүбаризәләр апарылыр. Бу мүбаризә АБШ-да да апарылыр. Америка дөвләтинин өзү исә Исраилин сағчы мејилли дөвләт гурулушунун вә екстремист сијаси курсунун ҝүҹләнмәси вә давамлы олмасыны дәстәкләјир.
Јәһуди лоббиси дә бош дајанмајараг мүхтәлиф рычагларла АБШ Конгресинә тәзјигләр ҝөстәрир, Исраили тәнгид едәнләрин ҹәзаландырылмасына наил олмаға чалышыр, һәтта бу лобби АБШ һөкумәти гаршысында хүсуси тәләбләр дә гојур. Бу тәләбләрдән бири будур ки, АБШ дөвләтилә бизнес әлагәси гурмаг истәјән һәр һансы бир шәхс вә ја тәшкилат рәсми сәнәдлә сионист дөвләтинә гаршы һеч бир аддым атмајаҹағына даир зәманәт вермәлидир, һәмчинин Исраилә гаршы бојкот аксијаларына гошулмамалыдыр. Исраилә гаршы бојкот анлајышы исә ҝениш саһәләри әһатә едә биләр. Бунун дахилиндә Исраилин бејнәлхалг һүгугун принсипләрини позараг Фәләстин мүсәлманларындан вә христианларындан зорла гопарылмыш әразиләрдә јәһуди јашајыш мәскәнләри инша етмәсинә гаршы етираз һәрәкатлары да вар.
Сөзүҝедән тәләблә бағлы хүсуси ганун лајиһәси һазырлајан ганунвериҹиләрдән бири дә Исраилјөнүмлү конгресмен Питер Роскам олуб. 12 ил бојунҹа Конгрес үзвү кими фәалијјәт ҝөстәрмиш Роскам Исраил лоббисинин бурадакы ән апарыҹы нүмајәндәләриндән бири олуб. Лакин о, АБШ-дакы сон сечкиләрдә бу вәзифәсини итириб. Исраилин ҹинајәтләрини өрт-басдыр етмәк вә ишғалчы режими дәстәкләмәк үзрә сәдагәтлә ҝөстәрдији хидмәтләринә ҝөрә индијәдәк она јүз минләрлә доллар мүкафат верилиб. Исраилјөнүмлү Сијаси Фәалијјәт Комитәси (ИСФК) тәрәфиндән өдәнилән мүкафатлардан бири өтән ил ашкара чыхыб. Бир сөзлә тәкҹә кечән ил Роскам ИСФК-дан 175 мин доллар мүкафат алыб.
Бунунла јанашы Роскамсајағы һүҹумлара Американын ганунвериҹи органларында тез-тез раст ҝәлинир. Питер Роскамдан башга һәлә 25 конгресмен дә Исраилин бојкотуна гаршы јөнәлмиш ганун лајиһәләри тәгдим едибләр. Лакин Канзас вә Аризона штатларынын федерал мәһкәмәләри исә бу типли ганунларын АБШ конститусијасына зидд олдуғуну вә америкалыларын ифадә азадлығыны мәһдудлашдырмасы барәдә гәрар чыхарыблар. Чүнки АБШ ганунларына әсасән һәр бир америкалынын истәр өлкә дахилиндә, истәрсә дә хариҹдә баш верән һәр һансы һагсызлыға гаршы фикрини ифадә етмәк азадлығы вар. Исраилин пуллары исә әдаләтин тәмин олунмасы просесинә зәрбә вурур. Сионист лоббиси рүшвәт јолу илә әдаләти мүдафиә едәнләрин вә һәгиги демократија дәјәрләрини тәблиғ едәнләрин ишини риск алтына атыр.
Сон дөврләр АБШ-ын сионизм һавадары олан апарыҹы медиа гурумлары анти-семитизм мотивли вә нифрәт јөнүмлү ҹинајәт һадисәләринә диггәти артырыблар. Бу гурумлар јајымладыглары хәбәрләрдә әсас үстүнлүјү АБШ-да артмагда олан нео-насист һәрәкатларын јәһудиләрә гаршы, еләҹә дә гарадәрили америкалылара, ҹинси азлыглара вә диҝәр азлыг групларына гаршы төрәтдикләри һүҹумлара верирләр. Бу ҹүр сағ јөнүмлү екстремист һәрәкатыларын гурбанлары арасында әрәбләрин вә мүсәлманларын да олмасы фактлары исә надир һалларда гејд олунуб.
Ән тәәҹҹүблүсү исә будур ки, насизм тәрәфдарлары АБШ-дакы үмумхалг сечкиләриндә дә тәмсил олунублар. Мәсәлән Иллинојс штатында насизми дәстәкләјән намизәдләрдән бири 56 мин сәс топлајыб. Бу да 3-ҹү Иллинојс Конгрес рајону үзрә сечиҹиләрин 29 фаизинин сәси демәкдир. Ҝөрәсән 56 миндән чох инсан јәһуди Һолокостуну ачыгҹасына инкар едән вә насизмә мејилли бир шәхси неҹә дәстәкләмиш ола биләр?!
Белә бир сечки нәтиҹәси Исраилин ишинә олдугҹа јарајыр. Ишғалчы режим бу ҹүр сечки нәтиҹәләрини әлдә әсас тутараг анти-семитизм мејилләринин ҝүҹләнмәси барәдә шиширдилмиш һәјәҹан тәбили чалыр вә бу һәјәҹаны дәрһал Фәләстини мүдафиә едәнләрә гаршы јөнәлдир. Башга сөзлә Исраил анти-семитизм вә нифрәт анлајышындан ријакарҹасына истифадә едәрәк насизмә гаршы мөвҹуд олан иҹтимаи нифрәти әрәб вә мүсәлман азлыглара гаршы јөнәлдир. Исраил режими әлиндән ҝәлән һәр шеји едир ки, Фәләстини дәстәкләјән фәалларын гаршысыны алсын вә инсан һүгугларына гаршы төрәтмәкдә олдуғу ҹинајәтләрин үзә чыхмасына әнҝәл олсун.
Мәнимфикримҹә, Америкаданифрәтабһавасыартмагдадыр. Бунун исә бирбаша сәбәбкары Исраил лоббисидир. Чүнки Исраилин мараглары үзрә фәалијјәт ҝөстәрән активистләр нифрәт чағырышларыны вә анти-семитизм риторикасыны Фәләстин мәсәләсинә гаршы јөнәлдирләр. Бу лоббичиләр Исраилә јардым етмәк әвәзинә елә бир стратеҝија сечибләр ки, әкс тәсир јаратмагдадыр. Истәнилән әдаләтсизлик вә зоракылыг сонда неҹә бејнәлхалг һүгугла үз-үзә галмыш олурса, Исраилјөнүмлү лоббичиләр дә бу вәзијјәтә дүшүрләр.
Артыг мәнзәрә о гәдәр буланыгдыр ки, америкалылар һәгиги әдаләтлә һәгиги нифрәт арасындакы фәрги ҝөрмәкдә чәтинлик чәкирләр. Јухарыдакы суалымызын ҹавабыны да мәһз бу мәсәләдән анлајырыг. Мәһз бу анлашылмаз вәзијјәт үзүндән 56 мин америкалы анти-семит мөвге сәрҝиләјәрәк насизмә мејиллилик нүмајиш етдирибләр. Һалбуки бу сечиҹиләрин аталары, бабалары Икинҹи Дүнја мүһарибәсиндә насизмә гаршы вурушмушдулар.
БупросесбүтүнАмерикадамүшаһидәолунмагдадыр. Бу јахынларда Калифорнијада даим Исраили тәрифләјән вә ИСФК-дан малијјә алан бир груп сијасәтчи Калифорнија Университетини тәнгид атәшинә тутублар. Чүнки бу али тәһсил мүәссисәси Тәләбәләр Фәләстинә Әдаләт Уғрунда (ТФӘУ) ҹәмијјәтинә иҹлас кечирмәјә иҹазә вермишди.
ТФӘУ һагсыз олараг анти-семитизм фикирләрини јајмагда иттиһам олунмушду. Әслиндә исә бу тәләбәләр бир чох америкалынын вә сијасәтчинин Исраили мүдафиә етмәклә ҝөрмәзликдән ҝәлдији әдаләтсизликләри, һагсызлыглары ифша етмәклә мәшғул идиләр. Буна инанмаг чәтин олса да, тәәссүф ки, һәгигәтдир. Тәәссүф ки, сиз Америкада раһатлыгла насизм мејилли бир һәрәката сәс верә билирсиниз, амма апартеид системинә малик, иргчи тәмајүллү сијасәт јүрүдән, фәләстинлиләрә вә гејри-јәһудиләрә гаршы һәр ҹүр һагсызлыға јол верән Исраил кими дөвләти тәнгид етдијиниз үчүн ҹәзаландырыла биләрсиниз.
Сиз Америкада раһатлыгла нео-насист һәрәкатына сәс вермәклә бу һәрәкаты легаллашдыра билирсиниз вә һәтта белә бир радикал блок рекорд һәддә сәс топлаја билир. Јахуд сиз Исраил лоббисинә сығынмагла истәдијиниз һәр кәси етдији тәнгид едә биләрсиниз. Исраил дәстәкчиләри исә расизми, нифрәти вә анти-семитизми өз ријакар мәгсәдләри үчүн истифадә етмәјә давам едирләр. Биз исә буну бирдәфәлик дәрк етмәлијик ки, Исраил анти-семитизм тәблиғатыны Јахын Шәргдә сүлһ просесини әнҝәлләмәк үчүн силаһ кими истифадә едир.
РејҺӘНАНИЈӘ
Гејд: РејҺәнанијәФәләстинәсиллиамерикалыжурналиствәјазычыдыр. Мүстәгил көшә јазыларына ҝөрә чохлу мүкафатлара лајиг ҝөрүлмүш журналист 30 илдән чох АБШ-ын Чикаго шәһәриндә репортјор вә телевизија апарыҹысы кими фәалијјәт ҝөстәриб. Өзү АБШ-да дүнјаја ҝәлсә дә, ата-бабалары Гүдсүн христиан мәншәли гәдим сакинләриндән олублар. Журналист Фәләстинин азадлыг мүбаризәсинин фәал мүдафиәчиси кими таныныр.
Мәнбә: Миддлееастмонитор.ҹом
Тәрҹүмә: Felestin.İnfo
Диггәт: Хәбәрдән истифадә етдикдә мәнбәјә истинад лазымдыр
