Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Америка Мәркәзи Кәшфијјат Идарәси- МКИ рәисинин сәудијјәли тәнгидчи журналистин гәтли вә бу гәтлин арха планындакы мәсәләләр барәдә АБШ конгресинә тәгдим етдији һесабатын деталлары медиада ишыгландырылыб.
Америка Мәркәзи Кәшфијјат Идарәси- МКИ-нин рәиси Ҹина Һаспел дејиб ки, президент Доналд Трамп она Ҹамал Гашыгчынын гәтли барәдә мәлуматлар тәгдим етмәји гадаған едиб вә о, ганун иҹбарилији илә конгресин бу ҹинајәт барәдә мәлуматлар тәгдим етмәк вә конгресә ҝәлмәк һагдакы хаһишини рәдд едә билмәјибдир.
Һаспел әлавә едиб: МКИ Гашыгчынын гәтли үзрә сәјләрдән хәбәрдар иди, амма Трамп вә онун језнәси вә мүшавири Ҹаред Кушнер бу ҹинајәтдән ики ҝүн өнҹә МКИ-нин бу мәсәләјә гарышмамасы барәдә ҝөстәриш вердиләр.
МКИ рәиси сөзләринә белә давам едиб: Сәудијјә вәлиәһди Муһәммәд бин Салман бир ил бундан өнҹә Әрәбистанын кәшфијјат гүввәләри васитәсилә Вашингтонда Гашыгчыны тәгиб едирди вә һәтта онун бир ресторанда гәтлә јетирилмәси гәрара алынмышды ки, МКИ Әрәбистанын кәшфијјат гүввәләрини һәбс етди, амма Трампын ҝөстәриши илә бу маҹәранын үстү ачылмады.
Һаспел әлавә едиб: Гашыгчынын Истанбула дахил олмасы илә МКИ билирди ки, бу журналист өлүмә јахынлашыр, буна ҝөрә, бу мәсәләни Инҝилтәрәнин кәшфијјат тәшкилаты илә бир араја гојду, амма һәмин өлкәнин баш назири Тереза Меј инҝилис мәмурларын Истанбулда Гашыгчыја көмәк етмәләринә иҹазә вермәди.
МКИ рәиси сәудларын Гашыгчынын гәтли планыны ишләјиб һазырламаларыны бир кинофилминә бәнзәдиб вә белә дејиб: Әрәбистан вәлиәһди он беш пешәкар кәшфијјат забитини вә експертиза идарәсинин үч һәкимини кимјәви васитәләр вә полад мишарла тәҹһиз едәрәк, Истанбула ҝөндәрди. Бин Салман да чохлу сајда тәјјарәнин вә диҝәр һалларын тәмин едилмәси барәдә ҝөстәриш вермишди.
Һаспелин гәнаәтинҹә, сосиал шәбәкә истифадәчиләриндән ики милјон нәфәрин Гашыгчыја дәстәк вермәси вә онларын бин Салманла мүхалифәти, еләҹә дә Гашыгчынын Канада вә Америкада сијаси партија јаратмаг үзрә сәји онун максимум сүрәтлә гәтлә јетирилмәси үчүн бир стимул иди.
МБҸ телеканалы адларыны ҝизли сахладығы үч мәсул шәхсә истинадла јазыб: Һаспелин мәлуматларындан әлавә, АБШ конгресинин үзвләри дә Гашыгчынын гәтли барәдә шок информасијалара маликдирләр ки, Кушнерин мүһакимәси вә Трампын импичменти илә нәтиҹәләнә биләр.
Диггәт: Хәбәрдән истифадә етдикдә мәнбәјә истинад лазымдыр
