Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, ИШИД террор тәшкилаты илә әлагәли террорчулар Филиппинин ҹәнубунда јерләшән мәктәбә һүҹум едибләр.
Полисин вердији мәлумата ҝөрә, террорчулар бир нечә шаҝирди әсир тутублар. Хәсарәт аланларын олуб-олмамасы барәдә һәлә мәлумат верилмәјиб.
Хатырладаг ки, Филиппин Президенти Рофриго Дутерте мај ајында өлкәсинин ҹәнуб әјаләти олан Минданаода һәрби вәзијјәт елан едиб. Гәрар орду илә ИШИД террор тәшкилатыны дәстәкләјәнләр арасында тоггушмадан сонра гәбул едилиб. Әсас гајнар нөгтә олараг Марави шәһәри галыр. Адычәкилән јашајыш мәнтәгәсинин ишғалы уғрундакы дөјүшләрдә 500-ә јахын террорчу иштирак едиб. Чәршәнбә ахшамы ҝүнү һәрбчиләр шәһәрдә јени һүҹум әмәлијјатына старт верибләр.
Базар ертәсинә олан мәлуматлара әсасән, орду илә 4 һәфтәдир ки, давам едән тоггушмалар заманы 257 террорчу мәһв едилиб, 62 һәрби гуллугчу вә 26 динҹ сакин һәјатыны итириб.
Диггәт: Хәбәрдән истифадә етдикдә мәнбәјә истинад лазымдыр
