Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Түркијә президенти Рәҹәб Тајјиб Әрдоған 1915-ҹи ил һадисәләринин (гондарма ермәни сојгырымы) нөвбәти илдөнүмү мүнасибәтилә Истанбулда ермәни патриархы Арам Атешјана башсағлығы вериб.
Ермәни севҝиси илә долу олан мәктубда гејд едилиб:
“Сизләри севҝи вә һөрмәтлә саламлајырам. Биринҹи Дүнја Мүһарибәсинин чәтин шәраитиндә һәјатыны итирән Османлы Ермәниләрини бу ил дә еһтирамла хатырлајыр, нәвәләринә башсағлығы верирәм. Бөлҝәнин ики гәдим ҹәмијјәти олараг түркләр вә ермәниләр мин илдир ки, чијин-чијинә јашадығы бу мәканда, ортаг тарихи вә мәдәнијјәти илә бөлүшүбләр. Ермәни ҹәмијјәти, истәр Османлы империјасы заманында истәрсә дә инди чох гијмәтли өвладлар јетишдирәрәк өлкәмизин инкишафына бөјүк төһфәләр верибләр.
Дүнән олдуғу кими, бу ҝүн дә ермәниләр, өлкәмизин бәрабәрһүгуглу вә азад вәтәндашлары олараг, сосиал вә сијаси һәјатымызын һәр саһәсиндә мүһүм роллар ојнајыр.
Әсрләрлә севинҹ вә гајғыда бирҝә ики халгын, кечмишин јараларыны бүрүмәси вә инсаны бағларыны даһа да мөһкәмләндирмәси һамымызын ортаг мәгсәдидир. Бу истигамәтдә сон 14 илдә бир чох аддым атмышыг, тарихи характерли ислаһатлары һәјата кечирдик. Османлы ермәниләринин хатирәсинә вә ермәни мәдәни ирсинә саһиб чыхмаға јөнәлик ишимизи, нөвбәти просесдә артараг давам етдирәҹәјик.
Бу фикирләрлә, ХХ әсрин әввәлиндә һәјатыны итирән Османлы Ермәниләринин хатирәләрини бир даһа јад едирәм. Биринҹи Дүнја Мүһарибәсинин чәтин шәраитиндә һәјатыны итирән милјонларла Османлы вәтәндашына Аллаһдан рәһмәт диләјирәм".
Диггәт: Хәбәрдән истифадә етдикдә мәнбәјә истинад лазымдыр
