Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, өтән ҝүн Трумп администрасијасы АБШ иммиграсија ганунларыны неҹә иҹра едәҹәји барәдә ачыглама вериб.
Иммиграсија саһәсиндә чалышан гејри-һөкумәт тәшкилатлары бу ачыгламаны депортасија планы кими дәјәрләндирирләр.
"Биз өзүмүзү рејдләрин артмасына, аилә үзвләримизин, иҹмамызын үзвләринин сахланылмасы һалларынын чохалмасына һазырлајырыг", – Милли Иммиграсија Һүгугу Мәркәзинин иҹрачы директору Мариелена Һинҹапиé дејиб.
“ҺӘР ШЕЈИ ЕДӘҸӘЈИК”
Трумп администрасијасы исә Дахили Тәһлүкәсизлик Департаментинин дәрҹ етдији сәнәдләрин депортасија планы олмасына даир иддиалары рәдд едир. Сөзүҝедән сәнәдләр иммиграсија вә сәрһәд аҝентликләри вә онларын ишчиләри үчүн тәлимат ролуну ојнамалыдыр. Бу сәнәдләрдә Президент Доналд Трумп-ын президентлијә башламасындан дәрһал сонра вердији иммиграсија гәрарларынын иҹрасынын јоллары изаһ едилир.
Ағ Евин сөзчүсү Сеан Спиҹер журналистләрин бу гәрарын күтләви депортасијаја јол ачыб-ачмајаҹағы һагда суалына "јох" ҹавабы вериб.
"Ағ Ев вә Дахили Тәһлүкәсизлик Департаментинин месажы ондан ибарәтдир ки, бу өлкәдә олан вә иҹтимаи асајишә тәһлүкә јарадан, јахуд ҹинајәт ишләмиш шәхсләр өлкәдән биринҹи чыхарылаҹаг вә биз бундан өтрү һәр шеји едәҹәјик", – дејән Спиҹер әлавә едиб ки, тәгрибән бир милјон инсан бу мејара ујғун ҝәлир.
ДАҸА ПРОГРАМЫ ЛӘҒВ ОЛУНМАЈЫБ
Бу јени сәнәдләр кечмиш президент Бараҹк Обама дөврүндән галан приоритет системиндән имтина демәкдир. Обама администрасијасынын сијасәти бир чох мүһаҹирләрин өзләрини тәһлүкәсиз һисс етмәсинә јол ачмышды.
Тәкҹә бир истисна вар. Трумп администрасијасы Обама-нын 2012-ҹи илдә тәсдигләдији, 730 минәдәк ҝәнҹ мүһаҹири депортасијадан горујан, онлара АБШ-да јашамаг вә охумаг имканы верән ДАҸА програмыны ләғв етмәјиб.
Мүтәхәссисләр сөзүҝедән билдиришләрин бәзи һиссәләринин һәлә федерал низамлама просесиндән кечмәли олдуғуну билдирибләр.
Һинҹапиé исә дејир ки, бу сәнәдләр ону ҝөстәрир ки, бу билдиришләр ики һәфтә өнҹә 700 нәфәрин һәбсијлә нәтиҹәләнмиш һалын јенидән тәкрарланмасына јол ача биләр.
11 МИЛЈОН МҮҺАҸИР
Билдиришләрдә федерал һөкумәтин иммиграсија ганунларыны јерли һүгуг-мүһафизә ишчиләринә һәвалә етдији ҝөрүнүр. Бу исә о демәкдир ки, мәсәлән, јол нәглијјат позунтусуна ҝөрә сахланмыш инсанлардан шәхсијјәти тәсдигләјән сәнәдләр тәләб олуна биләр.
Трумп-ын президент сечилмәсиндән бәри вә ондан өнҹә мүһаҹирләр аиләләриндән вә јахынларындан ајры дүшәҹәкләри горхусујла јашајырлар.
Өтән һәфтә Конгресин демократ үзвләри гејд едибләр ки, Иммиграсија вә Ҝөмрүк Идарәси онлара 11 милјон мүһаҹирин риск алтында олдуғуну билдириб.
Дахили Тәһлүкәсизлик Департаментинин билдиришләринин версијалары бундан өнҹә дә јајылмышды. Өтән ҝүн дәрҹ едилән билдиришләр Трумп-ын гәрарындан бир о гәдәр дә сечилмир. Тәкҹә ДАҸА програмыјла бағлы тәтбиг едилән истисна јенидир.
Диггәт: Хәбәрдән истифадә етдикдә мәнбәјә истинад лазымдыр
