Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Үмүдүнја Әһли Бејт (ә) Ассамблејасынын Али Шурасынын Сәдр мүавини Ајәтуллаһ Гурбан Әли Дурри Нәҹәф Абади үч ҹаван Шиәнин ганунсуз Али Хәлифә режими тәрәфиндән едам едилмәсинә етираз едәрәк кәскин тәнгиди бәјанат вериб.
АБНА сајты олараг бәјанатын мәтнин тәгдим едирик:
Бисмиллаһир Рәһманир Рәһим
أُذِنَ لِلَّذينَ يُقاتَلونَ بِأَنَّهُم ظُلِموا ۚ وَإِنَّ اللَّهَ عَلىٰ نَصرِهِم لَقَدير؛
Мүһарибә шәраитинә чатдырыланлара зүлмә мәруз галдыглары үчүн, (дүшмәнә гаршы) Ҹиһад етмәләринә иҹазә верилди. Вә Аллаһ онлара јардым етмәјә Гадирдир. (Һәҹҹ сүрәси, Ајә 39)
Бәһрејн һакимијјәтинин јени ҹинајәти һамыны кәдәрләндирди. Сөзсүз, Бәһрејн Шәһидләри Имам Һүсејн (әлејһи сәлам) гаршысында дәјәрлидирләр. Аллаһ Тәала Шәрафәтли Бәһрејн Халгына вә зүлмә, әдаләтсизлијә мәруз галан Шәһидләрин аилә үзвү вә јахынларына сәбр вә ҝөзәл хејрли агибәт инајәт етсин.
Ҝөрәсән доғруданмы әдаләт ардыјҹа олан сүлһмәрамлы халга бу ҹүр залиманә вә диктаторҹасына ҹаваб верилмәлидирми?! Вә бу халгын ҹаван нәслинин ганларыны гондарма иттиһамларла ахытмалыдырлармы?! Јахуд да бу милләтин өвладларыны сатгын вә муздлу мәһкәмә һакимләринин әли илә вәтәндашлыгдан мәһрумму етмәлидирләр?! Ја да ки, Ајәтуллаһ Шејх Иса Гасимин мәнзилиними мүһасирәјә алмалыдырлар?! Вә јахуд дини атрибутларын һәјата кечирилмәсинин, Ҹүмә вә Ҹамаат Намазларынын гылынмасынын, Имам Һүсејнә (әлејһи сәлам) әза сахланмасынын гаршысымы алынмалыдыр?! Вә аборҝен јерли халгын балалрыны вәтәндашлыгдан мәһрум едәрәк әвәзинә диҝәр өлкәләрдән ҝәтиздирилмиш муздлу үнсүрләрәми вәтәндашлыг верилмәлидир?!
Әл-Зулму Ла јәдум... Зүлм даими ола билмәз. Мүбариз Бәһрејн халгы бу бәрабәрсиз дөјүшдә галиб вә Аллаһ Тәала гаршысында уҹа вә иззәтлидир. Али Хәлифә вә онлара бағлы үнсүрләр исә өзләрини Илаһи Әдаләт мәһкәмәси гаршысында ҹаваб вермәли олаҹагларына һазырламалыдырлар. Онлар билмыылидирләр ки, Аллаһ Тәала “Әшәддул Муагибин”дир (ҝүнаһкарлары шиддәтли сүрәтдә ҹәзаландырандыр).
Үмид едирик ки, Ислам Дүнјасы вә үмумијјәтлә дүнја азадәләри ҹинајәткарлара бундан артыг зор вә ҝүҹ тәтбиг едәрәк инсанлары хофландырмагларына имкан вермәсинләр. Бәһрејн халгы да, әдаләт сајәсиндә бәрабәр һүгуглара малик олараг там сабит бир һәјат сүрмәјә наил олсунлар. Вә һүгуглары сионист ҹинајәткарларынын ајаглары алтында бундан артыг тапдаланмасын.
Дурри Нәҹәф Абади
Үмүдүнја Әһли Бејт (ә) Ассамблејасынын Али Шурасынын Сәдр мүавини
15.01.2017 - (26.10.95)
Диггәт: Хәбәрдән истифадә етдикдә мәнбәјә истинад лазымдыр
