Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, АБШ, Гәрб вә Русијадан ҝәләрәк Фәләстин торпагларыны ишғал етмиш сионист ишғалчы јәһуди режими Јени-Зелландија вә Сенегалдакы сәфирләрини өлкәјә ҝери чағырыб.
Бу һагда ишғалчы режимин баш назири Бенјамин Нетанјаһунун мәтбуат катиби мәлумат вериб.
Мәлумата ҝөрә, тәҹавүзкар јәһуди режиминин белә бир аддымы, БМТ Тәһлүкәсизлик Шурасынын сионист режими әлејһинә, ишғал етдији Фәләстин торпагларында иҹраја гојдуғу ганунсуз јени јашајыш массивләри лајиһәсинә ҝөрә, 14 мүсбәт, 1 мәнфи рәјлә гәбул етдији гәтнамәјә хатир олуб.
Јени-Зелландија, Сенегал, Малазија, Венесуелла исә БМТ-дә ганунсуз сионист режими әлејһинә гәбул олунан гәтнамәни ҝүндәмә ҝәтирән 4 өлкә олублар.
Гејд едәк ки, һәмишә олдуғу кими нөвбәти дәфә дә, БМТ-дә ишғалчы сионист режиминин ҹинајәтләри әлејһинә гәрар гәбул олунаркән јеҝанә битәрәф рәјин саһиби АБШ-ын нүмајәндәси олуб. О, ганунсуз Исраил режимини мүдафиә едәрәк, “БМТ Шимали Кореја вә Иранла бағлы гәрар вермәк әвәзинә, бүтүн фикирләрини Исраилә јөнәлдиб. Биз Исраили там олараг дәстәкләјирик.”- ситатын сону дејә АБШ-ын БМТ-дә олан даими нүмајәндәси билдириб.
Диггәт: Хәбәрдән истифадә етдикдә мәнбәјә истинад лазымдыр
