Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,Иран президенти Һәсән Руһани дүнән билдииб ки, Иранын нүвә програмы барәдә данышыглар jени иранлы илинин башланмасы сәбәбиндән jаранмыш фасиләдән бир нечә ҝүн сонра бәрпа олунаҹаг.
Син Хуа Теһрандан вердиjи бир хәбәрдә jазыб: Руһани Тwиттер-дәки сәһифәсиндә jазыб: Мүзакирәләрдә jекун аддымлар һәмишә ән чәтин аддымлардыр, зира һәр ики тәрәф удуш-удуш нәтиҹәсинә чатмаг үчүн сазиш етмәлидир.
Иранын хариҹи ишләр назири Мәһәммәд Ҹавад Зәриф дә АБШ дөвләт катиби илә данышыглардан сонра ҹүмә ҝүнү билдирди ки, Гәрб өлкәләри бу барәдә гәрар чыхармалыдырлар ки, Ирана гаршы тәзjигләри давам етдирсинләр, jахуд бу өлкә илә разылыға чатсынлар.
Инҝилтәрәнин хариҹи ишләр назири үч Авропа өлкәсинин хариҹи ишләр назирләри вә Авропа Бирлиjинин хариҹи сиjасәт үзрә мәсул шәхсинин Иранла нүвә мүзакирәләринин сон турунун бәрпасы заманы даһа артыг координасиjа үчүн Ҹон Керри илә иҹласыны гәнаәтбәхш адландырды.
Авропа Бирлиjинин хариҹи сиjасәт үзрә мәсул шәхси Федерика Могерини дә белә вурғулады: Мүзакирәләр һәссас етапа чатыб вә Иранла нүвә мүзакирәләриндә әсас саһәләрдә мүһүм ирәлиләjишләр әлдә олунуб, лакин һәлә мүһүм мәсәләләр галыр ки, бу анадәк онларын барәсиндә һеч бир разылыг олмаjыбдыр.
О, әлавә едиб: Һәрчәнд биз Иранла пис разылашмаjа чатмаға тәләсмирик, амма һазырда әсаслы гәрарларын чыхарылмасы заманы ҝәлиб чатыбдыр.
Диггәт: Хәбәрдән истифадә етдикдә мәнбәjә истинад лазымдыр
22 mart 2015 - 08:32
Xəbər kodu: 678327
Иран президенти Һәсән Руһани дүнән билдииб ки, Иранын нүвә програмы барәдә данышыглар jени иранлы илинин башланмасы сәбәбиндән jаранмыш фасиләдән бир нечә ҝүн сонра бәрпа олунаҹаг.
