Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, бу ҝүн сәһәр радәләриндә Алманијанын Дормаҝен шәһәриндә инша мәрһәләсиндә олан Мәсҹид сон бир нечә ҝүн әрзиндә икинҹи дәфә анти-Ислам үнсүрләрин һүҹумуна мәруз галараг тәһгир олунуб.
Мәсҹидин диварларына јазылан анти-Ислам, фашист мәншәли шүарлар вә сыныг сәлибин чәкилмәси сәбәб олуб ки, Алманија Ислам Иттифагы Ҹәмијјәтинин мәсул шәхсләри һадисә јерин ҝәлсин.
Алманија Ислам Иттифагы Ҹәмијјәтинин сәдри профессор Нузәт Јашар Алманијада баш верән анти-Ислам һадисәни мәһкум едәрәк билдириб: “Бир мүддәт бундан өнҹә бу Мәсҹид охшар һүҹума мәруз галмышдыр. Биз баш верән илк һадисә заманы дөвләт рәсмиләринә мүраҹиәт едәрәк фактла бағлы арашдырма ишләринә башланмасыны истәмишдик. Лакин тәсүфлә гејд етмәлијик ки, артыг белә бир һөрмәтсизлик һадисәсинин икинҹи дәфә шаһиди олуруг”.
О, даһа сонра билдириб: “Биз дәфәләрлә мәнтәгәнин тәһлүкәсизлик органларына сағчы радикал груплашмаларын фәалијјәти вә онларын Мүсәлман әһалиси һабелә Мәсҹид вә Ибадәт оҹаглары үчүн нә дәрәҹәдә хәтәрли олдуғу һагда мәлумат вермишик”.
Гејд едәк ки, Мәсҹидин иншасына 2012-ҹи илдә башланылыб. Бу ҝүн исә, јерли вахтла 05:00 радәләриндә Мәсҹид фашист активистләри тәрәфиндән һүҹума мәруз галыб.
Диггәт: Хәбәрдән истифадә етдикдә мәнбәјә истинад лазымдыр
