III Дүнjа Мүһарибәси башлаjа биләр: АБШ вә Русиjа һазырлыг ҝөрүр

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, III Дүнjа Мүһарибәси башлаjа биләр: АБШ вә Русиjа һазырлыг ҝөрүр
Дүнjанын ики нәһәнҝ өлкәси Русиjа вә АБШ араларында давам едән соjуг мүһарибәjә деjәсән бирдәфәлик сон гоjмағы гәрара алыблар.
һәр ики өлкә тәһлүкәли силаһ нөвләринин истеһсалыны артырмағы гырара алыблар. "Алмаз-Антеj" Һава һүҹумундан Мүдафиә Системи консернинин рәсмиси Павел Созиновун фикринҹә, Америка Русиjаjа гаршы ганадлы ракетләрдән истифадә едә биләр.
Консернин екпертләри сон илләр АБШ ордусунун Ираг, Ливиjада һәjата кечирдиjи әмәлиjjатлардан сонра белә гәнаәтә ҝәлибләр.
Созиновун сөзләринә ҝөрә, һазырда Америка Русиjаjа илк зәрбәни ендирмәк үчүн ганадлы ракетләрин саjыны артырмагла мәшғулдур. АБШ бунун үчүн 7 мин ганадлы ракет һазырлаjыр.
Русиjа исә АБШ-ын ракетдән мүдафиә системләринин аналогуну инкишаф етдирмәjә башлаjыб.
Русиjа Американын ТҺААД ракетдән мүдафиә системләринә гаршы һәмин силаһын аналогу ҜБМД системини jарадыр.
Гыса мүддәтдә Русиjа ордусунун бу ракет системләри илә тәҹһиз едиләҹәjи билдирилир.
"Русиjада ПРО ТҺААД комплексинин аналогу jарадылыр. Бу бизә орта вә мәһдуд мигjасда гитәләрарасы баллистик ракетләри әлә кечирмәjә имкан верәҹәк. Тезликлә онларын сынагларына башланаҹаг ", - Павел Созинов әлавә едиб.
Диггәт: Хәбәрдән истифадә етдикдә мәнбәjә истинад лазымдыр