Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Америка Бирләшмиш Штатларында али мүнсифләр һејәтинин биабырчы гәрары илә, гарадәрили Мајкл Бровнун гатили, полис ишчиси Дарон Вилсона бәраәт газандырмасынын ардынҹа халг күтләси етираз аксијаларына башлајыб.
Дүнән давам едән етираз аксијасы заманы АБШ Миссоури штатынын Ферҝусон шәһәр полис забити 24 јашлы гарадәрили һамилә гадына атәш ачараг сол ҝөзүн кор едиб.
Ҝөз наһијјәсиндән зәрбә алараг сол ҝөзүнүн ҝөрмә габилијјәтини итирән Дорнела Канер һадисә илә бағлы билдириб: “Аксија заманы ағдәрили достум Ди Анҹлес Ли илә бирликдә Сант Луис шәһәринин Нју Һалз Фери магистиралы үзәриндәки јанаҹаг долдуран дајанаҹагда машынын дахилиндә идик. Машыны һәрәкәтә ҝәтириб дајанаҹагдан ҝетмәк истәдикдә полис патрул машынлары машынымызы мүһасирәјә алараг, полис забитләриндән бир нәфәри пластик ҝүллә илә, мәни һәдәфә алыб ҝөзүмдән јаралады”.
Дорнела Канер даһа сонра билдириб: “Әҝәр сизин үзәринизә машын ҝәләрсә сиз сүрүҹүнү һәдәфә аларсыз јохса онун кәнарында әјләшән шәхси?”
О, даһа сонра дејиб: “Мән полисләрин ишинин нә дәрәҹәдә чәтин вә ағыр олдуғуну баша дүшүрәм. Анлајырам ки, һәмин ан әтраф мәнтәгәдә сабитсизлик һөкм сүрүрдү. Лакин бу о демәк дејил ки, сиз ҝүнаһсыз бир вәтәндаша атәш ачараг она әбәди хәсарәт јетирәсиниз”.
Диггәт: Хәбәрдән истифадә етдикдә мәнбәјә истинад лазымдыр
