Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, бу һаггда Малазија Тәһлүкәсизлик Назирлији билдириш јајымлајараг вурғулајыб: “Гондарма “ИШИД” груплашмасына “секс ҹиһады” мәгсәди илә гошулан Малазијалы үч гадын һаггда апарылан ахтарыш ишиндә Түркијә дөвләтинин бу мәсәләдә хүсуси рола малик олдуғуну ашкарладыг”.
Тәһлүкәсизлик Назирлији даһа сонра билдириб: “Биз артыг белә бир гәнаәтә ҝәлмишик ки, Түркијә дөвләти дүнјанын мүхтәлиф өкәләриндән ҝәтиздирилән гадын вә гыз ушагларынын гејриинсани әмәлләр үчүн Сурија вә Ирагдакы террорчулара ҝөндәрмәкдә әсас рол ојнајыр”.
Малазија Тәһлүкәсизлик Назирлији даһа сонра билдириб: “Алданмыш 30 јашлы гадыны истинтаг етдијимиз заман мәлум олду ки, о башга өлкәләрдән ҝәлмиш диҝәр гадынлар илә бирҝә Түркијәдә бир мүддәт галдыгдан сонра, бу ишлә мәшғул олан хүсуси шәхсләр тәрәфиндән “секс ҹиһады” үчүн Сурија вә Ирага јолланыблар”.
Истисмар олунмуш гадынын вердији ифадәсинә әсасән, азғын тәкфирчи үнсүрләр Мосул шәһәрини әлә кечиртдкдән сонра шәһәрин бүтүн гыз ушагларынын “секс ҹиһады”на һазыр олмаларыны ҝөстәриш вермишләр.
Гејд етмәк лазымдыр ки, Малазија Дөвләт Тәһлүкәсизлик Назирлијинин белә бир сәнәди ифша етмәсинә бахмајараг һәлә дә Түркијәнин адиатлы органлары буна һеч бир реаксија вермәјибләр.
Диггәт: Хәбәрдән истифадә етдикдә мәнбәјә истинад лазымдыр
