Әһли Бейт (әлейһимус сәлам) -АБНА- Хәбәр Аҝентлийинин вердийи хәбәрә әсасән, Иран Ислам Республикасы ордусу гуру гошунлары команданынын мүавини Иранын гәрб вә ҹәнуб-гәрбиндә истәнилән де-стабилликлә мүбаризә үчүн бу гүввәләрин һазыр вәзиййәтдә олдуғуну билдириб.
Фарс Хәбәр Аҝентлийинин мәлуматына ҝөрә, Иран Ислам Республикасы ордусу гуру гошунлары команданыны координасийа мәсәләләри үзрә мүавини ҝенерал Әли Арасте бу ҝүн Ирагын вәзиййәтинә тохунараг дейиб: Ордунун гуру гүввәләринин команданлығы чох йахшы тәдбирләр ҝөрмүшдүр вә бу гүввәләр гәрб вә ҹәнуб-гәрбдә һазыр вәзиййәтдәдирләр.
"ИШИД" террор груплашмасынын муздлулары сон вахтлар Ирагын бир сыра бөлҝәләри, о ҹүмләдән Мосулда ирәлиләйәрәк бу мәнтәгәләрин бәзи һиссәләрини ишғал едибләр. лакин бу террор груплашмасы илә мүбаризәнин ваҹиблийинә даир алимләрин чағырышындан сонра Ираг ордусунун кәнарында халг көнүллүләри "ИШИД" мөвгеләринә гаршы иримигйаслы һүҹумлара башлайыб вә бу һүҹумлар давам етмәкдәдир.
Tehran Radiosu
Диггәт: Хәбәрдән истифадә етдикдә мәнбәйә истинад лазымдыр
