Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Ирагда “тәкфирчи” үнсүрләрә гаршы әмәлијјатлар давам едир.
Ираг Тәһлүкәсизлик Назирлијиндә фәалијјәт ҝөстәрән рәсмиләрин билдирдијинә ҝөрә, Ираг Милли Ордусунун мүһасирәси алтында олан Фәллуҹә шәһәриндәки тәкфирчиләрдән 14 нәфәри арвад либасы ҝејинәрәк шәһәрдән гачмаг фикриндә олублар. Лакин Ираг Тәһлүкәсизлик Гүввәләринин тәдбирләри нәтиҹәсиндә јарагылар јахаланараг һәбс едилибләр.
Фәллуҹәнин Ниҹат Шурасы бу һагда мәлумат верәрәк билдириб: “Азғын “ИШИД” груплашмасынын 14 үнсүрү гадын ону ҝејинәрәк дөјүш мејданындан фәрар етдикләри һалда Һәјјул Зәбт мәнтәгәсиндә әлә кечибләр.”
Гејд олунан мәлумата әсасән Фәллуҹәнин Ниҹат Шурасынын үзвү Әбдүс Сәлам әл-Ҹәмили билдириб: “Бу ҝүнләрдә гондарма “ИШИД” јараглы үнсүрләри сыраларында оланлар арасында арвад либасларыны ҝејиниб гаччмаг истәјәнләр чохдур.”
Ҹәмили дејиб: “Арвад кими гачаркән әлә кечән үнсүрләрдән бири Фәллуҹә шәһәриндәки 4 јашајыш мәнзилинә бомба гурғусу гурашдырараг террор актыны төрәтмиш Әбу Усамә әл-Мосулидир.”
Хатырладаг ки, Ираг Милли Ордусу әл-Әнбар вә Фәллуҹә шәһәрләриндә јашајан көчәри тајфалар вә јерли гәбиләләр илә әл-әлә верәрәк бир мүддәтдир ки, террорчулара гаршы, хүсуси илә дә гондарма “Ираг вә Шам Ислам Дөвләти” адлы “тәкфирчи” үнсүрләрә гаршы ҝениш әмәлијјатлара кечибләр. Ејни анти-сәләфи әмәлијјатлар тәкҹә өлкәнин Фәллуҹә вә әл-Әнбар шәһәрләриндә дејил диҝәр рајонларында да мүвәффәгијјәтлә һәјата кечирилир.
Мәлуматлара ҝөрә, әл-Әнбар рајону илә Фәллуҹә шәһәринин диҝәр шәһәрләрдән фәргләндирән будур ки, јараглылар Фәллуҹә вә әл-Әнбар шәһәрләринин јашајыш мәнтәгәләриндә ҝизләнәрәк хәтәр һисс етдикләри сүрәтдә ҝүнаһсыз вәтәндашлардан мүдафиә аләти үнванында истифадә едирләр. Буна ҝөрә дә Ираг Силаһлы Гүввәләри бу асанлыгла “вәһһабиләри” гејд олунан мәнтәгәләрдән тәмизләмәјә гадир дејилләр.
АБНА- Хәбәр Аҝентлији
Диггәт: Хәбәрдән истифадә етдикдә мәнбәјә истинад лазымдыр
