Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Ислам Дининин дүшмәнләри тәрәфиндән там сүрәтдә тәҹһиз олунан гондарма “Ираг вә Шам Ислам Дөвләти” (ИШИД) адлы азғын “тәкфирчи” үнсүрләри, Ислам Пејғәмбәринин (сәлләллаһу әлејһи вә алиһ) Бөјүк Сәһабәләриндән олан үч шәхсијјәтин гәбирләрини дармадағын едибләр.
Белә ки, бир нечә ај бундан өнҹә Бөјүк Сәһабә Увејс Гәрәни (ризвануллаһи тәала әлејһ), ширкә јох дејән илк Мүһаҹир Әммар Јасир (ризвануллаһи тәала әлејһ) вә Уеј бин Гејс Нәхинин мәзарлары үзәриндәки ҝүнбәз вә минарәләри дағыдан азғын “ИШИД” вандаллары бу дәфә даһа да вәһшиләшәрәк һөрмәтли Сәһабәләрин гәбрләрини дә дармадағын едибләр.
Гејд едәк ки, азғын “сәләфи-вәһһаби-тәкфирчи-әһли сүннә вәл ҹәмаә” адлы сектанын әгидәсинә ҝөрә Ислам Пејғәмбәринин (сәлләллаһу әлејһи вә алиһ) Сәһабәләриндән һәр биринә еһтирамсызлыг етмәк, онлары тәһгир етмәк вә онлара гаршы бу кими алчалдыҹы һәрәкәтләр ҝөрмәк һәмин шәхсин мүртәд вә кафир оламсына сәбәб олур. Беләликлә дә, азғын сектанын әгидәсинә ҝөрә, Сәһабәләрин гәбирләрини дағыдараг онлары алчалдан “вәһһабиләр” бир даһа мүшрик вә кафир олдугларыны сүбут етмиш олдулар.
АБНА- Хәбәр Аҝентлији
Диггәт: Хәбәрдән истифадә етдикдә мәнбәјә истинад лазымдыр
