Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Ливан "Һизбуллаһ"ынын шәри һеjәтинин рәиси Мәһәммәд Јәзбәк Аjәтуллаһ Систанинин Бәһреjндәки нүмаjәндәси Аjәтуллаһ Һүсеjн Нәҹатинин өлкәдән чыхарылмасыны тәнгид едәрәк билдириб ки, бир чох бәһреjнли депортасиjа тәһлүкәси илә үзбәүздүр.
Шеjх Мәһәммәд Јәзбәк ҹүмә намазы хүтбәсиндә дүнjа иҹтимаиjjәтиндән Бәһреjндәки инсан һагларынын дөвләт тәрәфиндән позулмасына сон вермәк үчүн иш ҝөрмәләрини истәjиб. О, билдириб ки, Али-Хәлифә режими халгын гануни тәләбләринә фикир вермир вә тәкҹә гәтлә jетирмәклә, һәбс етмәклә, сахта мәһкәмәләрлә вә мәсҹидләрин дағыдылмасы илә кифаjәтләнмир. Һазырда паспортлары вә вәтәндашлығы ләғв етмәjә башлаjыб. Бунунла бағлы дүнjадакылар нә иш ҝөрүбләр?
“Әл-Әһд”-ин вердиjи хәбәрә ҝөрә исә, ҹүмә намазында Аjәтуллаһ Шеjх Иса Гасим етдиjи чыхышында Аjәтуллаһ Систанинин нүмаjәндәсинин Бәһреjндән чыхарылмасы барәдә Али-Хәлифә режиминин бәjанатыны Әһли-Беjт (ә) дининин тәрәфдарларына гаршы мүһарибә олдуғуну деjәрәк, режими ишҝәнҹә сиjасәтинә әмәл етмәкдә иттиһам едиб.
Ҹүмә намазынын хәтиби давамында деjиб: “Мән шиә олмаг үчүн вә jа хумс алмаг үчүн режимдән иҹазә алмалыjам? Фәгиһләрин бу саһәдә лисензиjасы етибарлы деjил? БМТ-нин Тәһлүкәсизлик Шурасы вә бүтүн һүгуги тәшкилатлар ҹидди шәкилдә Бәһреjни дәстәкләмәк үчүн режим гаршысында даjанмалыдырлар. Али-Хәлифәнин бу тип ишләри ҹинаjәтдир вә әһли-сүннә гардашларымызын бунда әли jохдур. Али-Хәлифәнин шиәлиjи мәһв етмәк үчүн ҝениш ҹәһдләри бизә Бәни-Аббас хәлифәлиjи заманы Әһли-беjтә (ә) гаршы олунмуш зүлмләри хатырладыр. Һәр биримиз билирик ки, Исламын һәр бир фиргәсинә зүлм етмәк ҹәһди дини характер дашымыр, бу сиjаси мәсәләдир. Вәзиjjәт елә олуб ки, Әһли-беjт (ә) дининин давамчысы олмаг үчүн һакимиjjәтдә олан рәсмиләрин имзасы олмалыдыр! Мәҝәр Әһли-беjт (ә) тәрәфдарларынын jанында дини әһкамын тәблиғатына лисензиjа лазымдыр?”
Диггәт: Хәбәрдән истифадә етдикдә мәнбәjә истинад лазымдыр
İslamazeri.az
