Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Нури Малики: “Күрдистанын Ирагдан аjрылмаға һаггы jохдур”
Ирагын баш назири өлкәнин парчаланмасына гаршы олдуғуну, Күрдистанын вә Ирагын һеч бир һиссәсинин аjрылмаға һаггы олмадығыны деjиб
Исламазери.аз-ын “Ал-Манар”-а истинадән вердиjи хәбәрә ҝөрә, Нури Малики мүсаһибә заманы деjиб ки, "Күрдистанын Ирагдан аjрылмаг тәләб етмәjә һаггы jохдур, чүнки бу тәләб Ираг һакимиjjәтинин мүстәгиллик вә федерал гануну илә уjғун деjил."
Малики Ирагын парчаланмасына вә ҝәләҹәк бир нечә ҝүн әрзиндә кечириләҹәк парламент сечкиләринин ҝеҹикдирилмәсинә гаршы олдуғуну деjиб.
Давамында билидириб ки, "Федерал дөвләтин әһли-сүннәни Ирагда бир гыраға чәкмәси иттиһамы доғру деjил, чүнки әһли-сүннә Ираг халгынын әсас вә бөjүк бир һиссәсини тәшкил едир. Ирагда бу вахта кими әһли-сүннәдән jүз дәфә даһа аз олан груплар да гыраға атылмаjыб."
Ирагын баш назири өлкәдә таjфачылығын олдуғуну рәдд едәрәк, Суриjанын вәзиjjәти вә Сәудиjjәнин бу өлкәнин һакимиjjәтини девирмәк ҹәһдләри барәдә деjиб ки, "Сәудиjjә Суриjа, Ираг вә Ливан һөкүмәтини девирмәк хәjалындадыр, бу мәгсәдә чатмаг үчүн баҹарыгсызлығна әмин олмаса, Суриjа бөһранынын һәлли үчүн мүзакирә масасында отурмаjаҹаг.
"Диггәт: Хәбәрдән истифадә етдикдә мәнбәjә истинад лазымдыр
Islamazeri.az
