Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Сурија Президенти Бәшшар Әсәд ҹәнаблары Мәсиһиләрин Пак Бајрамы ҝүнү, Гәләмун шәһәринин ҹәнубунда јерләшән, мәсиһиәрин компакт јашадыглары гәдим тарихә малик олан вә гондарма “Ираг вә Шам Ислам Дөвләти” адлы азғын тәкфирчи јараглыларын әлиндән јениҹә азад едилмиш Мәлулә шәһәринә сәфәр едәрәк јерли сакинләрлә сәмими ҝөрүш кечирдиб.
Сурија Милли Телевизијасынын мәлуматына ҝөрә, Бәшшар Әсәд ҹәнаблары тәкфирчиләрин дармадағын вә гарәт етдикләри тарихи мәнтәгәләрә баш чәкмиш вә чыхыш заманы јараглы үнсүрләрин јарамаз әмәлләрини гынајараг өлкә мәсиһиләринин Пак Бајрамыны онлара тәбрик әрз етмишдир.
Бәшшар Әсәд ҹәнаблары билдирмишдир: “Кимсә өлкәмизин Тарих вә Мәдәнијјәтини дағдараг мәһв едә билмәз!”
Гејд едәк ки, Мәлулә шәһәри мәсиһиләрин ән мүһүм шәһәрләриндән бири сајылыр. Бу шәһәрдә хачпәрәстләрин бир чох гәдим Килсәләри мөвҹуддур.
Өтән һәфтә әрзиндә Мәлулә шәһәри уғрунда Сурија Милли Ордусу илә азғын тәкфирчи јараглылары арасында ҝедән амансыз дөјүшләрдән сонра шәһәр тамами илә террорчу груплашмалардан тәмизләнмиш вә Дәмәшг әјаләтинин шимал мәнтәгәси олан Гәләмун рајонунун тамаи илә јараглы үнсүрләрдән пак едилдији рәсмән елан едилмишдир.
Президент Бәшшар Әсәд Мәлулә шәһәринә бахыш кечиртдикдән сонра евләриндән дидәрҝин дүшмүш хачпәрәстләр ҝеријә дөнәрәк Пак Бајрамы евләриндә гејд етмишләр.
АБНА- Хәбәр Аҝентлији
Диггәт: Хәбәрдән истифадә етдикдә мәнбәјә истинад лазымдыр
