Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, сон дөврләр Суриjада дөjүшән азәрбаjҹанлы jараглыларла бағлы мүтәмади олараг мәлуматлар jаjылмагдадыр. Һәр ҝүн бир вә jа бир нечә азәрбаjҹанлы террорчунун дөjүшләрдә өлдүjү барәдә верилән мәлуматлар исә заман ичиндә ади һала чеврилмәjә башлаjыб.
Илк бахышдан ади ҝөрүнән, лакин маһиjjәтинә варылдығында кифаjәт гәдәр тәһлүкә мәнбәjи олдуғу ашкар сезилән бу прбоблемин көкүндә даjанан башлыҹа амил исә Диндән суистифадә етмәк мәсәләсидир. Инанҹлары уғрунда Гарабағда деjил, Суриjада дөjүшмәjи өзләринә борҹ билән һәмин азғын азәрбаjҹанлы террорчуларын вәһһаби олдуглары исә шүбһәсиздир. Елә буну онларын аилә үзвләри дә тәсдигләjирләр. Вә ишин ән илҝинҹ тәрәфи дә одур ки, Суриjада дөjүшмәjә ҝедәнләр арасында Сумгаjытдан оланлар даһа чох үстүнлүк тәшкил едирләр.
Бәзи мәлуматлара ҝөрә исә Суриjада дөjүшән азғын азәрбаjҹанлы “тәкфирчиләрин” артыг бир гисми ҝери дөнмәjә башлаjыб. Суриjада мүхтәлиф террорчу тәшкилатларын тәрәфиндә олан сөзүҝедән шәхсләр jаранмыш мүнагишәли вәзиjjәтдән долаjы ҝери дөнмәjи гәрара алыблар. Тәкҹә азәрбаjҹанлы “вәһһабиләр” деjил, һәмчинин диҝәр Мүсәлман дөвләтләриндән ҝәләнләрин дә артыг наразылыгдан долаjы дүшәрҝәни тәрк етдиjи вурғуланыр.
Гондарма “Ираг вә Шам Ислам Дөвләти”нин тәрәфдарлары кими чыхыш едән “вәһһаби” силаһлы бирләшмәләри артыг Кәркүк вә Мосул әтрафында дүшәрҝә салыблар. Онларын Суриjадан чыхараг, Кәркүк ҹиварында гәрарлашмалары исә jетәрли гәдәр тәһлүкәли һесаб олунур. Чүнки азғын “вәһһаби” силаһлы дәстәләри әһалинин 80-90 фаизи Шиә түркмәнләрин гәтлинә фәрман верә биләрләр. Затән, Шиәләри Мүсәлман һесаб етмәjән вә онлары кафир адландырырлар ки, бу да Кәркүк вә Мосул әһалиси үчүн jетәрли гәдәр тәһлүкәли вәзиjjәтин jарандығыны хәбәр верир.
Диггәт: Хәбәрдән истифадә етдикдә мәнбәjә истинад лазымдыр
