Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Исламынсеси.аз-а мүсаһибә верән игитсади мәсәләләр үзрә експерт Губад Ибадоғлу Тариф Шурасынын гиjмәт артымы илә бағлы гәрарыны шәрһ едәркән билдириб: «Бензинин гиjмәтинин Азәрбаjҹанда уҹуз олмасы барәдә иддиалар нөгсанлыдыр. Беjнәлхалг практикаjа әсасән вәтәндашын иллик газанҹында бу хәрҹин паjы үмуми ҝөстәриҹиjә ҝөрә мүәjjәнләшир.
Мәсәлән, АБШ-да 1 галлон (3,785 литр) бензинин гиjмәти 3,39 $, jәни 1 литр 0,90 $-дыр. Орта американлыны ҝүндәлик газанҹында бу хәрҹләр 3,18% тәшкил едир. Нефтлә зәнҝин олан өлкәләрдән Венесуелада 1 литр бензинин гиjмәти 0.047 АБШ долларыдыр. Бу исә орта венесуелалыларын газанҹынын 0,42% тәшкил едир. Сәудиjjә Әрәбистанында бу рәгәм 12 сент вә 0,54%, Күвеjтдә 16 сент вә 0,65%, Иранда 33 сент вә 3,03%, Мисирдә 26 сент вә 0,75%, Бирләшмиш Әрәб Әмирлиjиндә 46 сент вә 0,46%, Русиjада 90 сент вә 1,82%-дир».
Онун сөзләринә ҝөрә, Туркиjә, Литва, Белчыка, Австриjа вә Норвечдә jашаjанлар орта иллик газанҹларынын 1 фаизиндән азыны бензинә хәрҹләjир. Орта Азәрбаjҹан сүрүҹүсү исә (jәни орта аjлыг әмәк һаггы сәвиjjәсиндә мааш аланлар) индиjәдәк иллик газанҹынын 19,8 фаизини бу мәгсәдә хәрҹләjирдисә, һазыркы гиjмәт баһалашмасындан сонра бу ҝөстәриҹи 22,9 фаиз тәшкил едәҹәк.
И.Шабан һәмчинин нефт ҝәлирләринин азалдығы, тәбии вә игтисади инһисарчыларын мөвҹуд олдуғу һалда белә артымларын давамлы олаҹағыны билдириб.
«Әсасән дә ири верҝи өдәjиҹиләринин (“Азәренержи” АСҸ, “Азәрбаjҹан Дәмир Јоллары” ГСҸ, Хәзәр Дәниз Ҝәмичилиjи Идарәси, “Азәрбаjҹан Һава Јоллары” ГСҸ, “Азәрсу” АСҸ) малиjjә интизамсызлығы һесабына jаранан 2,4 милjард манатлыг борҹу бүдҹәjә jыға билмәjән һөкүмәт аксизләри, ӘДВ вә саир истеһлак верҝиләри үзрә верҝи тутулан базаны ҝенишләндирмәклә әһалинин ҹибинә ҝирмәк сиjасәтини сечир.
Буна ҝөрә дә, гиjмәтләрин бундан сонра да артаҹағыны демәjә әсас вар. Тезликлә Тариф Шурасы шәһәрдахили, шәһәрәтрафы вә гәсәбәләрарасы маршрутларда сәрнишин дашыма хидмәтләринин гиjмәтини артыраҹаг. Јәгин ки, Нәглиjjат Назирлиjинин бу барәдә мүраҹиәти артыг Тариф Шурасна дахил олуб. Тезликлә електрик енержисинин, тәбии газын, суjун пәракәндә сатыш тарифләри дә артырылаҹаг. Бу исә истеһлак, хүсусилә дә әрзаг базарында гиjмәтләрин артымына вә инфлjасиjа jарадыҹы амилләрин фәаллашмасына тәсири едәҹәк. Она ҝөрә дә ҝәлән ил үчүн 2 рәгәмли инфлjасиjа ҝөзләмәк олар.
Диггәт: Хәбәрдән истифадә етдикдә мәнбәjә истинад лазымдыр
