Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, бир мүддәт өнҹә һагг мәзһәби олан Шиәлики гәбул етмиш Пакистан Дәниз Гүввәләринин тәгаjүддә олан әмәкдашынын кәсилмиш башы 28 Ноjабр, 2013 тарихдә Карачи шәһәриндә пеjда олуб.
Карачи полиси Ҹүмә ҝүнү исә, Шәид Сәлим Рза Гаим Ханинин башсыз бәдәнини өз евиндә тапдығыны билдириб.
Карачи полисинин вердиjи мәлуматда һәмчинин билдирилир ки, jениҹә Шиәлики гәбул етмиш мүстәбсирин (jәни ахтарыш апарараг һаггы гәбул едән шәхс) пак ҹәсәди jанында jазылы вәрәг тапылыб ки, үзәриндә “Бу Равалпәнди һадисәсинин интигамыдыр” jазысы геjд олунуб.
Полис даһа сонра билдириб ки, jараглылар илк өнҹә Шәид Сәлим Рза Гаим Ханини өлдүрәрәк даһа сонра онун башыны кәсмиш вә кәсилмиш башыны тамаша үчүн көрпүдән асмышлар.
Шәид Сәлим Рза Гаим Хани, һаг мәзһәб олан Шиәлиjи гәбул етмәздән өнҹә, Суфи мәзһәбинә гуллуг едирмиш. Ислам Пеjғәмбәринин (сәлләллаһу әлеjһи вә алиһ) Әһли-Беjтинә (әлеjһимус сәлам) чохлу севҝи бәсләjән Шәид Сәлим Рза Гаим Хани, “Ја Һүсеjн (ә)”, “Ја Әбүлфәзлил Әббас (ә)” сөзләри jазылмыш баjраг вә Әләмләри еви үзәриндән асырмыш. Онун белә бир иш ҝөрмәси исә, тәкфирчи фиргә олан азғын “сепаһе сәһабә” террорчу үнсүрләрин һеч дә үрәjинҹә деjилмиш.
Пакистан Дәниз Гүввәләринин 40 jашлы пенсиjада олан әмәкдашы мәнзилиндә тәнһа jашаjырмыш. О, өз мәнтәгәсиндә хеjирхаһ ишләрлә мәшғул олан инсанлардан бири кими танынырды.
Руһу Шад Олсун! Амин!
Шәид Сәлим Рза Гаим Ханинин көрпүдән асылмыш кәсилмиш башы
Шәид Сәлим Рза Гаим Хани мәнзили
Диггәт: Хәбәрдән истифадә етдикдә мәнбәjә истинад лазымдыр
