Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Ливан Һизбуллаһ Мүгавимәт Тәшкилатынын Баш Катиби, Һөҹҹәтүл Ислам вәл Мүслимин, Сеjjид Һәсән Нәсруллаһ, Муһәррәм аjынын jеддинҹи ҝеҹәсиндә, Ливанда геjд олунан “Шәһидләр Ҝүнү”нә ишарә едәрәк билдириб: “Үмүд едирәм ки, “Шәһидләр Ҝүнү” һәм бизим, һәм дә ҝәләҹәк нәсилләрин ган jаддашындан силинмәjәҹәк”.
Һөҹҹәтүл Ислам вәл Мүслимин, Сеjjид Һәсән Нәсруллаһ Шәһидләрин фәдакарлығына даим лазымы гиjмәт вермәjи, ветеран вә әсир аиләләринә хүсуси геjдлә jанашмағын лазым олдуғуну билдирәрәк деjиб: “Әһмәд әл-Гәсирин истишһади әмәлиjjаты баис олду ки, Ливан вә Мүгавимәт Тәшкилаты гәләбәjә доғру аддымласын, ишғалчы исраил режими исә, мәғлубиjjәтә уғрасын”.
Ливан Һизбуллаһ Мүгавимәт Тәшкилатынын Баш Катиби авропалыларын мүстәмләкәчилик сиjасәтләри гаршысында Ислам алимләринин вә Али Тәглид Мәрҹәләринин сәjләринә ишарә едәрәк билдириб: “Һизбуллаһ, һеч заман одлу мүһарибәjә дахил олмаг арзусунда олмаjыб. Биз, даим Али Тәглид Мәрҹәләринә мүраҹиәт етмишик. Имам Хомеjни (ризвануллаһи тәала әлеjһ) ҹәнаблары иди ки, Мүгавимәт һәракатына ганун донун ҝеjиндирди. Вә бу үслуб, шәһадәттәләблик вә ҹиһадчы руһиjjәдән ирәли ҝәлир”.
Шеjх Һәсән Нәсруллаһ даһа сонра тәкид едәрәк билдириб: “Елә ки, һәр һансы бир мүбаризә үчүн дөjүш меjданына дахил олмаг фикринә дүшүрүк, илк өнҹә өзүмүзүн елми билиjинә архаланмырыг, әксинә биз jүксәк тәгвалы, заман вә мәкан мәсәләләрини нәзәрә алараг jүксәк рүтбәли али фәгиһләрә, үләмалара вә Тәглид Мәрҹәләринә мүраҹиәт едәрәк онлардан бәһрәләнирик”.
Диггәт: Хәбәрдән истифадә етдикдә мәнбәjә истинад лазымдыр
