Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Ноjабрын 7-дә Бакы Апеллjасиjа Мәһкәмәсиндә Мүбариз руһани Һаҹы Тале Бағыровун мәһкәмәси заманы сахланылмыш дини фәал Аббас Һүсеjновун шикаjәтинә бахылыб.
Мәсәлә илә бағлы ачыглама верән вәкил Бәхтиjар Һаҹыjев деjиб: “Мәһкәмәдә билдирдик ки, Аббас Һүсеjнов һаггында Сабунчу Раjон Мәһкәмәсинин чыхардығы һәбс гәтимкан гәрары әсассыздыр. Хатырлатдыг ки, һәмин гәрарын әсасландығы протоколда Аббас Һүсеjновдан ҝөтүрүлмүш анализ нәтиҹәсиндә онун наркотик маддә - опиум гәбул етдиjинин ашкарландығы ҝөстәрилиб. Лакин мүаjинә актында һал шаһидләри иштирак етмәjиб. Она ҝөрә дә бу сәнәд әсас кими ҝөтүрүлә билмәз. Буна бахмаjараг, Бакы Апеллjасиjа Мәһкәмәси биринҹи инстансиjанын гәрарыны гүввәдә сахлады”.
Геjд едәк ки, октjабрын 28-дә Мүбариз Руһани Һаҹы Тале Бағыровун мәһкәмәси заманы Сабунчу Раjон Мәһкәмәсинин гаршысында полис диндарлара тәзjиг едәрәк онларын мәнәви һаггларыны кобуд шәкилдә позуб. Вәһши полис үнсүрләри тәхминән 20 Диндар вәтәндашыганунсуз олараг сахлаjыб. Сахлананларын әксәриjjәти сәрбәст бурахылса да, 4 нәфәрә исә ганунсуз олараг инзибати һәбс верилиб. Бәкир Сүлеjманов, Шәһриjар Аббасов вә Тәбриз Сәбирли Инзибати Хәталар Мәҹәлләсинин 310.2-ҹи (полисә табе олмама) маддәси илә 15 сутка мүддәтинә азадлыгдан мәһрум едилибләр. Аббас Һүсеjнов исә 30 сутка һәбс ҹәзасы алыб. О, Инзибати Хәталар Мәҹәлләсинин 68.1-ҹи (шәхси истеһлак үчүн зәрури олан мигдарда, сатыш мәгсәдилә олмадан наркотик маддәләрин һазырланмасы, әлдә едилмәси, сахланмасы, дашынмасы вә ҝөндәрилмәси) маддәси илә ШӘРЛӘНИЛИБ. Онун ганында ГОНДАРМА експертиза заманы “наркотик маддә” ашкар едилдиjи иддиа олунуб.
Диггәт: Хәбәрдән истифадә етдикдә мәнбәjә истинад лазымдыр
