Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, бу ҝүн Сабунчу раjон мәһкәмәсиндә мүбариз руһани Һаҹы Тале Бағыровун мәһкәмә иҹласы кечирилиб. Мәһкәмә иҹласына чох аз саjда инсан бурахылыб. Журналистләрин исә иҹласда иштирак етмәсинә мане төрәдилиб.
Мәһкәмә иҹласында баш верәнләр барәдә вәкил Ҹавад Ҹавадов мәлумат вериб. О, ачыгламасында геjд едиб ки, “Тале Бағыровун ҹинаjәт иши үзрә бу ҝүн Сабунчу раjон Мәһкәмәсиндә һаким Самир Әлиjевин сәдрлиjи илә мәһкәмә һазырлыг иҹласы кечирилиб.
Мүдафиә тәрәфи олараг биринҹи вәсатәтимиз Тале Бағыровун һәбс мүддәтинин 30 сентjабрда битмәси вә бунунла бағлы һәбсдә сахланылмасынын ганунсуз олмасы илә бағлы олду. Вәсадәт Авропа Мәһкәмәсинин преседет һүгугуна истинад едилиб. Мәһкәмә вәсатәти тәмин етмәди, биз белә гәрар гәбул едәҹәjини билирдик вә икинҹи вәсатәт "мөвҹуд олмаjан һәбсин ев дустаглығы илә әвәз едилмәсинә даир" олду. Бу вәсатәт дә тәмин едилмәди. Диҝәр вәсатәт тутулма заманы мүдафиә һүгугунун позулмасы вә сүбутларын ганун позунтусу илә әлдә едилдиjиндә сүбутлар сиjасыныдан хариҹ едилмәси, иш үзрә иҹраата хитам верилмәси илә бағлы олду. Мәһкәмә вәсатәтләри тәмин етмәди вә иши 28 октjабр саат 11-00 тәjин етди. Мәһкәмәнин гаршысында бөjүк издиһам jашанды, просеси изләмәк истәjәнләр үчүн мәһкәмә залынын тутуму имкан вермәди.”
Диггәт: Хәбәрдән истифадә етдикдә мәнбәjә истинад лазымдыр
