Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Түркијә Силаһлы Гүввәләринин сәккиз чавушу һәдди-булуға чатмамыш гыза гаршы ҹинси зоракылыг төрәтмәклә әлагәдар өлкә ордусундакы хидмәтдән говулуб.
Бу барәдә Түркијәнин аилә мәсәләләри вә сосиал сијасәт назири Фатма Шаһин мәлумат вериб. Хәбәри чәршәнбә ахшамы "Анадолу" аҝентлији јајыб.
Шаһинин сөзләринә ҝөрә, һәмин чавушларын иши артыг мәһкәмәјә верилиб, фактла бағлы истинтаг апарылыр.
Сәккиз чавуш тәрәфиндән һәдди-булуға чатмамыш гыза гаршы ҹинси зоракылыг төрәдилмәси факты бир нечә ај бундан әввәл ашкар олунуб.
Түркијәнин Бинҝөл вилајәтинин 16 јашлы сакини һәрби гуллугчулар тәрәфиндән ҹинси зоракылыға мәруз галмасы барәдә әризә илә полисә мүраҹиәт едиб. Вашланан тәһгигат нәтиҹәсиндә Түркијә Силаһлы Гүввәләринин сәккиз чавушу сахланылыб.
Диггәт: Хәбәрдән истифадә етдикдә мәнбәјә истинад лазымдыр
