Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Кувејтдә Шиәләр тәрәфиндән инша едилмиш Һәзрәти Фатимәи Зәһра (сәламуллаһи әлејһа) адына Мәсҹид, уникал мемарлыг абидәси кими татыныныр.
Әзәмәтли вә өзүнәмәхсус ҝөзәллији илә тикилән Мәсҹид, Кувејт пајтахтынын “Әбдуллаһ әл-Мүбарәк” мәнтәгәсиндә јерләшир.
Билдирәк ки, һәзрәти Фатимәи Зәһранын (сәламуллаһи әлејһа) Мүсәлман Дүнјасында өзәл мәгамы вардыр. О, бүтүн әсрләрдә дүнја гадынларынын сәрвәри титулуна лаиг ҝөрүлүб. Бу әгидәјә сәбәб һәзрәти Пејғәмбәрдән (сәлләллаһу әлејһи вә алиһ) нәгл олунан мүхтәлиф рәвајәтләрдир.
Сүнни вә Шиә мәзһәбләринин гәбул етдији рәвајәтләрин бириндә, һәзрәти Рәсули Әкрәмдән (сәлләллаһу әлејһи вә алиһ) белә нәгл олунур: “Фатимә дүнја гадынларынын сәрвәридир”. Гурани Кәримдә һәзрәти Мәрјәм (сәламуллаһи әлејһа) ашкар сүрәтдә дүнја гадынларынын сәрвәри кими танытдырылмасы вә онун Мүсәлман Аләминдә хүсуси өзәлликлә јад едилмәси, онун иффәтли олмасы инкар едилмәздир. Лакин бүтүн бунлар һәзрәти Мәрјәмин (сәламуллаһи әлејһа) өз дөврүндә дүнја гадынларынын сәрвәри олмасына дәлаләт едир.
Диггәт: Хәбәрдән истифадә етдикдә мәнбәјә истинад лазымдыр
