Әһли Бејт (әлејһимус сәлам) -АБНА- Хәбәр Аҝентлији- Рәҹәб ајынын илк ҹүмә ахшамына "лејләтур рәғаиб” (ашигләр ҝеҹәси) дејирләр. Һз.пејғәмбәрдән (с.а.с) бу ҝеҹә үчүн чохлу фәзиләтли әмәлләр нәгл олунуб ки, бунлары Сејјид ибн Тавус "Игбал" вә Әлламә Һилли "Иҹазәтул бәни зоһре" китабында нәгл едибләр. О әмәлләри јеринә јетирмәк инсанын ҝүнаһларынын бағышланмасына вә уҹа Аллаһын рәһмәтинә сәбәб олар.
О ҝеҹәнин мәхсус намазы да вар ки һәр кәс ону јеринә јетирсә, Аллаһ тәала онун савабыны - гәбрин әввәл ҝеҹәсиндә ән ҝөзәл сурәтдә,үзү парылтылы вә дили данышан һалда онун јанына ҝөндәрәр вә (гылдығы намазын тәсири) она дејәр: еј мәним әзизим! Сәнә мүждә вар, чүнки сән бүтүн чәтинликдән ниҹат тапмысан. Бәндә сорушар: Сән кимсән? Аллаһа анд олсун ки мән сәнин симандан (чөһрәндән) ҝөзәл сима ҝөрмәмишәм, сәнин сөзләриндән ширин сөз ешитмәмишәм вә сәнин ијиндән ҝөзәл иј ијнәмәмишәм. Намазын тәсири она ҹаваб верәр: Мән о намазын савабыјам ки, сән ону филан илин, филан ајынын филан ҝеҹәсиндә јеринә јетирмисән. Бу ахшам сәнин јанын ҝәлмишәм ки сәнин һаггыны әда едим,сәнин мунисин олум, горхуну сәндән ҝөтүрүм вә гијамәтин шејпур суру чалынан заман сәнин башына көлҝә салым.Бәс хошһал ол ки хејир сәндән һеч вахт ајрылмајаҹаг.
Пејғәмбәрдән (с) рәвајәт олунуб ки, рәҹәбин биринҹи ҹүмә ахшамындан гафил олмајын. Аллаһын мәләкләри о ҝеҹәјә лејләтур рәгаиб дејирләр. Чүнки бу ҝеҹәнин 3 дә 1-и кечдији заман јердә вә ҝөјләрдә олан бүтүн мәләкләр Кәбәјә вә онун әтрафына топлашар вә Аллаһ тәала онлара бу ҹүр хитаб едәр: Еј мәним мәләкләрим, мәндән һәр нә истәјирсиниз истәјин. Мәләкләр әрз едәрләр: Еј әзиз Аллаһ, бизим сәндән истәјимиз будур ки,рәҹәб ајында оруҹ тутанларын ҝүнаһларыны бағышлајасан вә онлары бағышланмышлардан гәрар верәсән. Уҹа Аллаһ бујурар: Бу иши јеринә јетирдим.
Јеринә дүшәр ки, бу һәдиси ешидән һәр кәс рәғаиб ҝеҹәсиндә мәләкләрә чохлу салам вә салават ҝөндәрсин ки, онларын ишинин гаршылығында һаггларыны әда етмиш олсун.
Аллаһ Тәала бу мүбарәк ҝеҹәдә һамымызын әмәлләрини гәбул етсин! Амин!
Кәрбәлаји Елвин
Диггәт: Хәбәрдән истифадә етдикдә мәнбәјә истинад лазымдыр
