Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Түркијәнин үзв олмаг үчүн милли вә мәнәви мүһитиндә һәр ҝүн иткиләр вердији Авропа Бирлији јолу јени шәртләр ортаја чыхарыб. Бу, һәмҹинс евлиликдир ки, һазырда Авропа Бирлији үзвү олан 10 өлкәдә ганунидир.
АБШ-да һәмҹинс евлилијә баш вуранлар өвладлыға ушаг ҝөтүрә вә ордуда вәзифә ала билир. Һәмҹинс евлиликләрә тәсдиг јалныз Авропада дејил, бүтүн дүнјада, хүсусилә христиан өлкәләриндә сүрәтлә јајылыр. Бу ҹүр евлиликләрә тәсдиг вермәси үчүн артыг бәзи Авропа Бирлији вәкилләри Түркијәјә дә бу истигамәтдә тәклифләрә башлајыблар.
Түркијә Бөјүк Милләт Мәҹлисиндә ҝеј вәкил ҝөрмәк истәјирләр
Һәмҹинс евлилији гәбул етмәси үчүн Түркијәјә дә узун мүддәтдир тәзјиг олунур. Авропа Парламенти Ишчи Партијасы милләт вәкили Мишел Касман (Миҹһаел Ҹасһман), Түркијә Бөјүк Милләт Мәҹлисиндә ҝеј милләт вәкилинин олмасы һалында, Түркијәнин Авропадакы имиҹинин мүсбәт јөндә дәјишәҹәјини сөјләјиб. Гејд едәк ки, бу биабырчы тәклифин мүәллифи олан Касман Авропа Парламентинин Ҝеј вә Лесбијан Мәсәләләри Идарәсинин башчысыдыр. Даһа бөјүк рүсвајчылыг сәлаһијјәтли тәшкилатларын, ән әһәмијјәтлиси исә хүсусилә АБ үчүн һөкумәт тәрәфиндән јарадылан идарәләрин сусгунлуғудур.
Вирус кими сүрәтлә јајылыр
Апрел ајында Латын Америкасы өлкәси олан Уругвајда Сенатындан сонра Парламентин алт ганады да һәмҹинсләрин евләнмәсинә имкан јарадан гануну гәбул едиб. Һәмҹинслиләрин евләнмәсинә гануни тәсдиг верән илк Ҹәнуб Америка өлкәси исә Арҝентина олуб - 2010-ҹу ил. Дүнјада исә бу рәгәм Уругвајла бирликдә 12-јә јүксәлиб. Јени Зеландија да Парламентдә апрел ајында кечирилән тарихи сәсвермәдә Асија-Сакит океан бөлҝәсиндә һәмҹинслиләрин евлилијини гануниләшдирән илк өлкә олуб. АБШ президенти Барак Обаманын һәмҹинслилији дәстәкләмәси барәдә ачыгламасы исә артыг мәшһур сөһбәтләрдәндир.
Илк түрк республикасында һәмҹинслијә јашыл ишыг
Шимали Кипрдә һәмҹинс әлагәни ҹинајәт сајараг 5 илә гәдәр һәбс ҹәзасы нәзәрдә тутан ганун да артыг дәјишдирилир. Бүтүн партијаларын вә вәтәндаш ҹәмијјәти тәшкилатларынын ортаг шәкилдә һазырладығы һәмҹинс һагларыны таныјан ганун лајиһәси тәсдиг үчүн Мәҹлисә тәгдим едилиб вә тәсдигләнмәси дә ҝөзләнилир. Ганун лајиһәсиндә билдирилир ки, 18 јашдан јухары олан һәр кәс ҹинс сечиминдә азаддыр, һәмҹинсләрә гаршы тәһгир вә алчалдыҹы давраныш ҝөстәрәнләрә исә 3 илә гәдәр һәбс ҹәзасы нәзәрдә тутулур. Сосиал Партијасынын сәдри Меһмет Чакыҹы, "јахын вахтларда һәмҹинс евлиликләрин олмасы да тәмин едиләҹәк", - дејиб.
Өвладлыға ушаг ҝөтүрә вә ордуда хидмәт едә биләр
Авропа Бирлијинә үзв олмаға һазырлашан Авропа өлкәләри ордуларынын демәк олар ки, һамысында һәмҹинсбазлар хидмәт едә билирләр. Данимарка, Естонија, Финландија, Ирландија, Литва, Норвеч, Исвеч, Белчика, Франса, Лүксембург, Һолландија, Австрија, Хорватија, Чех Республикасы, Алманија, Маҹарыстан, Сербија, Исвечрә, Боснија-Һерсоговина, Болгарыстан, Косово, Албанија, Черногорија, Румынија вә Русијада һәмҹинсбазларын ордуда хидмәтинә иҹазә вар. Һәмҹинс евлилијә иҹазә верән өлкәләрдән исә Канада, АБШ, Колумбија, Бразилија, Арҝентина, Исландија, Норвеч, Исвеч, Финландија, Ирландија, Инҝилтәрә, Данимарка, Һолландија, Австрија, Белчика, Алманија, Франса, Испанија, Португалија, Ҹәнуби Африка вә Јени Зеландијада һәмҹинс аиләләрин өвладлыға ушаг ҝөтүрмәсинә дә имкан верилир.
Ҝөз ҝөрә-ҝөрә нәсилләр јох едилир
Һәмҹинсләрин өвладлыға ушаг ҝөтүрмәси мөвзусунда исә хариҹдә јашајан мүсәлман аиләләр бөјүк тәһлүкә илә үзбәүздүр. Аиләләриндән алынан ушагларын бөјүк гисми биләрәкдән һәмҹинс аиләләрә өвладлыға верилир. Буна мисал кими исә бу јахынларда Һолландија һөкумәтинин ачыгламасыны ҝөстәрмәк олар. Белә ки, һәмҹинс аиләјә өвладлыға верилмиш 9 јашлы түрк мәншәли ушагла әлагәдар Түркијәнин Ҝәнҹлији Мүһафизә Бүросу тәрәфиндән галдырылан иддиаја Һолландијанын Баш назир көмәкчиси Лүдевик Асчер (Лодеwижк Ассҹһер) Түркијәнин һадисәјә мүдахилә етмәк һаггынын олмадығыны дејәрәк, ушагларын горујуҹу аиләләрин јанына јерләшдирилмәсиндә дини вә ирги сечимин едилмәдијини сөјләмишди.
Тәнәззүл Авропаны ағушуна алыб
Һәмҹинс евлилијин сүрәтлә јајылдығы Авропада, АБ-нин өз тәшкилаты олан Еуростатын арашдырмасына ҝөрә, никаһдан кәнар доғум һәҹми 40 фаизә чатыб. Әхлаги олараг баш верән бу чөкүнтү ҹәмијјәти дахилдән ҝәмирир. Евлиликдән кәнар доғумларын ән мәшһур олдуғу өлкәләрин башында исә Естонија, Словенија, Болгарыстан, Франса вә Исвеч ҝәлир. Бу рәгәм 1990-ҹы илдә 17, 2000-ҹи илдә 27, 2011-ҹи илдә исә 39,5 фаизә јүксәлиб. Никаһдан кәнар доғум һәҹми Белчикада 50, Данимаркада 49, Инҝилтәрәдә 47, Һолландијада 45, Австријада 40, Испанијада 37, Алманијада 33, Румынијада 30, Италијада 23 вә Полшада 21 фаиз сәвијјәсиндәдир.
Диггәт: Хәбәрдән истифадә етдикдә мәнбәјә истинад лазымдыр
