Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Таҹикистанын Ислам Интибаһ Партијасынын (ИИП) сәдринин мүавини Мәһәммәдәли Һаит намәлум шәхсләр тәрәфиндән дөјүлүб.
Һазырда о, реанимасија шөбәсиндә јатыр. Бу һагда партијанын мәтбуат катиби Һикмәтулла Сејфуллазадә мәлумат вериб.
"Һаит јашадығы евин блокунда намәлум шәхсләр тәрәфиндән дөјүлүб. Чохлу ган итириб вә ағыр бејин травмасы алыб. Һал-һазырда реанимасијадады" - дејә Сејфуллазадә билдириб.
Гејд едәк ки, ИИП Таҹикистанын икинҹи ән бөјүк партијасыдыр вә 50 минә јахын үзвү вар.
Диггәт: Хәбәрдән истифадә етдикдә мәнбәјә истинад лазымдыр
