Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Азәрбајҹан Ислам Партијасы Астара Рајон Комитәсинин үзвләри вә рајон диндарлары Азәрбајҹан Республикаснын Али Мәһкәмәсинин вә ондан габагкы мәһкәмәләрин әдаләтсиз, гәрәзли, сифаришлә чыхардығы гәрарларын гүввәдә сахламасына етираз едибләр.
Астара рајонундан алдығымыз мәлумата ҝөрә, Азәрбајҹан Ислам Партијасы Астара Рајон Комитәсинин кечмиш сәдри, Һиҹаб мәһбусу Руһуллаһ Ахундзадәнин јашадығы евдә кечирилән тәдбирдә чыхыш едән АИП Астара Рајон Комитәсинин һал-һазырдакы Сәдри Мәшәди Фамил Шүкүров һакимијјәтин сон дөврдә Руһанијјәт вә Диндарлара гаршы апардығы репрессија вә һәбсләри писләјәрәк, бүтүн бу јанлыш аддымларын атылма сәбәбини Исламчыларын горхараг ҝери чәкилмәләрини амма бунун там әкси илә үзләшдијини вурғулајыб.
Мәшәди Фамил даһа сонра Мүгәддәс Гурани кәримә истинад едәрәк билдириб: “Аллаһ Тәала Гурани-Кәримдә бујурур: “Онлар Аллаһын нуруну сөндүрмәк истәјирдиләр, Аллаһ исә өз нуруну тамам едибдир, онларын хошуна ҝәлмәсә дә белә”.
Астара Рајон Комитәсинин һал-һазырдакы Сәдри дејиб: “Биз, Али Мәһкәмәнин әдаләтсиз, чыхардығы гәрара етираз едир вә билирик ки, бу Мәһкәмәләр сифаришлә кечирилир. Чох тәәссүф едирик ки, индики Игтидар демократијадан дәм вурдуғу һалда диктатура сијасәтини һәјата кечирир...”
О даһа сонра бу етираз конфрансынын ҝеҹикмә сәбәбини ачыглајараг дејиб: “Етиразымызын Новруз Бајрамына гәдәр јубанмасында мәгсәд, сифаришли Мәһкәмәләрин, әдаләтсиз гәрарларынын бајрам габағы ләғв едиләрәк мәһбус гардашларымызын өз аиләләринә говушмасы үмиди иди...”
Конфрансда даһа сонра чыхыш едән Кәрбәлаји Казым Казымов, Игтидары Исламчыларла мүбаризәдән әл чәкмәјә, Исламчылары да вәһдәтә вә даһа да мөһкәм олмаға чағырды.
Сонда, Исламчылар күфр вә зүлм мөвгејиндә дуран һакимијјәтә, Аллаһын дини илә мүхалифәтчилик едәнләрин аҹы сонлуғуну билмәк үчүн тарихә нәзәр салмаларыны мәсләһәт ҝөрдүләр.
Диггәт: Хәбәрдән истифадә етдикдә мәнбәјә истинад лазымдыр
