Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Ҝојчај шәһәр иҹра башчысы Мәнсур Мәммәдов нечә мүддәтдир ки, нә шикајәтчиләри гәбул едир, нә дә үмумијјәтлә, иҹра һакимијјәтинин бинасында ҝөрүнүр.
Сонунҹу дәфә иҹра башчысыны ҝөрән рајон сакинләри сајтымыза мараглы мәлумат да верибләр: “Мараглыдыр ки, башчысы олдуғу рајондан өлкәдә ҝүндәми дәјишән белә бир һадисәјә сәбәб олан бир әсҝәр өлүб, амма иҹра башчысы президентин дә вердији тапшырыглара ујғун олараг мәрһумун аиләси илә марагланмајыб. Әксинә олараг о, Бакыја ҝедәрәк рајона полис гүввәләринин јеридилмәсини тәләб едиб. Артыг бу барәд рајонда ҹидди сөз сөһбәтләр дә ҝәзир ки, шәһәрин мәркәзиндә 20-30 адам топлашан кими онлары полис нәзарәтинә ҝөтүрүрләр. Чајханалар да хүсуси нәзарәт алтындадыр. Иҹра башчысынын тәшвишинә ҹидди әсаслар да вар.
Јәни о Бакыја ҝәләрәк полис гүввәләри тәләб етмәсинин сәбәби онун рајонунда ҹидди сосиал наразылыгларын олмасыдыр. Амма о, пајтахта ҝәләркән тәклифини онунла әсасландырыб ки, Бакыда олаҹаг аксија илә паралел Ҝөјчајда да мүсаватчылар Видади Исҝәндәрлинин тәшкилатчылығы илә аксија тәшкил едәрәк Исмајыллы һадисәләринин охшарыны јарадаҹаглар. Тәсәввүр един ки, бу адамы һеч вахт јериндә тапа билмирик. Һеч бир сосиал проблемләримизлә марагланмыр. Үстәҝәл Ҝөјчајда олан иш адамлары, кичик саһибкарлардан вахташыры мүәјјән адларла пул да јығылыр. Бу пулларын һара вә һансы мәгсәдлә ҝетдији дә һәр кәсә мәлумдур”.
Сакинләр дејирләр ки, өзбашыналыг вә дәрдләримизи демәјә адам тапмамағымыз бу шәкилдә давам едәрсә Исмајыллыда баш верән олајларын Ҝөјчајда да олмасы гачылмаздыр: “Иҹра һакимијјәтинә ҝедәндә икинҹи дәрәҹәли шәхсләр гаршылајараг башчынын рајонда олмадығыны дејиб проблемләримизи гулагардына вурурлар. Саһибкарлар дејирләр ки, һал һазырда рајонда һәр шеј иҹра башчысына мәхсусдур. Јәни, дашы-даш үзәринә гојдугда белә онун хәбәри олмалыдыр. Хәбәри оланда исә јүксәк мәбләғдә рүшвәт тәләб едир. Она ҝөрә дә јерли саһибкарлар артыг гоншу рајонлара үз тутублар. Гысасы рајонда јохсул да варлы да һәр кәс иҹра башчысынын әлиндән ҹана дојуб. Јахын ҝүнләрдә иҹра башчысынын Новруз шәнликләри илә әлагәдар ҹамаат арасында ҝөрмәсәниз тәәҹҹүбләнмәјин”.
Мараг үчүн билдирәк ки, Зија Мәммәдовун адамы олан Мәнсур Мәммәдовун сакинләрин шикајәти илә марагланмамасы вә рајона нәзарәти өз “ганун”лары илә һәјата кечирмәси һагда фактлар илк дәфә дејил ки, мәтбуата чыхыр.
Диггәт: Хәбәрдән истифадә етдикдә мәнбәјә истинад лазымдыр
