Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән мартын 3-дә Азәрбајҹан Ислам Партијасынын (АИП) Гадынлар Шурасынын (ГШ) сәдри Нөврәстә Ибраһимова Нефчала рајонунда сәфәрдә олуб. Сәфәр чәрчивәсиндә Н.Ибраһимова рајондакы АИП фәаллары илә ҝөрүшүб.
Ҝөрүс заманы Нөврәстә ханым фәалларла јахындан таныш олуб. ГШ сәдри чыхышында һәбсдә олан диндарларын әмәлләри илә мүсәлман баҹы вә гардашлара нүмунә олдуғуну гејд едиб.
Топлантынын ҝүндәминдә АИП Нефчала Рајон Комитәси ГШ-нин сәдрин вә комитә үзвләринин сечилмәси мәсәләси дуруб. Сәс чохлуғу илә Һәсәнова Һәмајил АИП Нефчала Рајон Комитәси ГШ-нин сәдри сечилиб. Бундан әлавә 11 нәфәр ГШ-нин үзвү сечилиб.
АИПГШ-нин биринҹи мүавини Фатимә Сәлимова чыхышында тәјинатларын мәсулијјәт вә фәаллыг тәләб етдијинә диггәт јөнәлдиб: “Комитә үзвләринин АИП-ин тәдбирләриндә иштирак етмәси ваҹибдир. Бундан әлавә бөлҝәдә Ислам дәрсләринин, дини бајрамларын кечирилмәси дә низама салынмалыдыр”.
Диггәт: Хәбәрдән истифадә етдикдә мәнбәјә истинад лазымдыр
