Әһли Бејт (әлејһимус сәлам) -АБНА- Ххәбәр Аҝентлијинин вердији хәбәрә әсасән өтән шәнбә ҝүнү полис јерли саһибкарларын Имишли рајон Иҹра Һакимијјәтинин бинасы өнүндәки етираз аксијасыны дағыдыб. Топлашанлар Имишли рајон мәркәзиндә јол бојунҹа һасар тикинтисинә етиразларыны билдирмәјә ҹәһд ҝөстәрибләр. Бу һасарлар әһалинин мағаза вә сосиал-мәишәт објектләринә јолуну кәсиб. Аксија дағыдыларкән Реҝионал “Бакунеwс.тв”нин мүхбири Меһман Мәммәдов сахланылыб. О, аксијаны видеоја чәкәркән сахланылыб. Лакин сонрадан бурахылыб.
Рајон администрасијасы һәләлик ҝүзәштә ҝетмәк истәмир вә буну онунла изаһ едир ки, һасарлар абадлыг вә һәрәкәтин тәһлүкәсизлијинин тәминаты үчүн тикилир. Бакыдан һава лиманына гәдәр јол бојунҹа чохкилометрлик даш һасарлар чәкилдикдән сонра һәр јердә һасар тикинтиси дәб һалыны алыб. Бу “идеја” мүәллифләринин фикринҹә, һасарлар Азәрбајҹан һәгигәтләринин хошаҝәлмәз чиркин тәрәфләрини ҝизләтмәлидир: биналарын, јолларын јөндәмсизлијини, чиркләнмиш әразиләри. Һасарларын иншасы абадлыг ишләри ады алтында мәмурларын дөвләт вәсаитләрини мәнимсәмәси үчүн бәһанә олуб. Реҝионларын өз спесификасы вар. Һәр дәфә рајон Иҹра һакимијјәтләринин башчылары дәјишдикдә абадлыг ишләри үзрә лајиһәләр вә саһибкарларын сыхышдырылмасы јени вүсәт алыр. Нефтчала рајонунда да белә олду. Бу јахынларда наразы сакинләр рајон мемарынын автомобилини јандырыблар. Белә ки, о, абадлыг ишләри ады алтында әшја базарынын сөкүлмәсини планлашдырырды. Инсидентдән сонра мемар ишдән чыхарылыб, јерли һакимијјәт исә өз планыны ләғв едиб. Диггәт: Хәбәрдән истифадә етдикдә мәнбәјә истинад лазымдыр
