Әһли Бејт -АБНА- хәбәр аҝентлијинин вердији хәбәрә әсасән Ислам Әмәкдашлыг Тәшкилатына (ИӘТ) үзв өлкәләрин рәһбәрләринин Гаһирәдә кечирилән Ислам Саммити Конфрансынын јекунунда гәбул олунан сәнәддә дејилир: “Биз Ермәнистанын Азәрбајҹан республикасына гаршы тәҹавүзүнү писләјир вә БМТ Низамнамәсини әсас тутараг бәјан едирик ки, ҝүҹ јолу илә торпагларын тутулмасы јолверилмәздир”.
Сәнәддә дејиилир: “Биз мүнагишәнин суверенлик, әрази бүтөвлүјү вә Азәрбајҹан республикасынын бејнәлхалг сәвијјәдә танынмыш торпагларынын тохунулмазлығы чәрчивәсиндә һәлл олунмасына чағырырыг. Биз Дағлыг Гарабағда вә Азәрбајҹан республикасынын диҝәр ишғал олунмуш торпагларында мәдәни вә Ислам ирсинин дағыдылмасына, мәҹбури демографик дәјишиклијә, шәхси мүлкијјәт һүгугунун позулмасына, ганунсуз игтисади фәалијјәтә тәәссүф едирик вә үзв өлкәләри онларын физики вә һүгуги шәхсләринин бу гејри-легал фәалијјәтләрә ҹәлб олунмасынын гаршысыны алмаға чағырырыг. Биз бир даһа Азәрбајҹан Республикасынын, о ҹүмләдән БМТ Баш Ассамблејасы чәрчивәсиндә әрази бүтөвлүјүнү вә суверенлијини бәрпа етмәк ҹәһдләринә өзүмүзүн принсипиал дәстәјимизи бәјан едирик”.
Хатырладаг ки, 1994-ҹү илдән Русија, Франса вә Американын һәмсәдрлији илә Авропада Тәһлүкәсизлик вә Әмәкдашлыг Тәшкилатынын Минск Групу Гарабағ Мүнагишәсинин сүлһсевәр һәллиндә васитәчилик едир, амма бу групун фәалијјәти индијә гәдәр әмәлдә һеч бир мүсбәт нәтиҹәјә малик олмајыб.
Азәрбајҹан Республикасындакы сијаси вә иҹтимаи даирәләрин тәрәфсиз олмадығына етираз етдикләри вә Минск Групунун Ермәнистанын тәрәфдарлы вә ермәнисевәрликдә иттиһам етдикләри бир һалда һәлә дә Рәсми Бакы бу јолла мүзакирәләри давам етдирмәкдә исрарлыдыр вә хејринә ишләмәјән данышыглардан имтина едә билмир.
Диггәт: Хәбәрдән истифадә етдикдә мәнбәјә истинад лазымдыр
