Әһли Бејт -АБНА- хәбәр аҝентлијинин вердији хәбәрә әсасән бу һагда онун оғлу Мәһәммәдәли Ахундзадә мәлумат вериб.
Мәктубда 15 сајлы Ҹ.Ч.Мүәссисәнин рәиси әдлијјә полковник лејтенанты Рауф Мәммәдова тәклиф ирәли сүрүлүб.
Руһулла Ахундзадәнин 15 сајлы Ҹ.Ч.Мүәссисәнин рәисинә јаздығы мәктубда дејилир:
"Азәрбајҹан Республиксынын ӘН-нин 15 сајлы Ҹ.Ч.Мүәссисәнин рәиси әдлијә полковник лејтенанты ҹәнаб Рауф Мәммәдова. Һәмин мүәссисәнин мәһбусу Ахундзадә Руһулла Һөҹҹәт оғлу тәрәфиндән
МҮРАҸИӘТ
Бағышлајан вә рәһм едән Аллаһын (ҹ.ҹ) ады илә.
Сизә сәлам вә еләҹә дә сәламәтлик арзусу илә бир мигдар хидмәт үчүн ашағыдакы тәклифимә диггәт етмәјинизи хаһиш едирәм. Белә ки, сизин мүәссисәдә олдуғум бу аз мүддәтдә чохлу мүсбәт дәјишикликләрин, әсасыны шәхсән бир Рәһбәр кими һуманистлијиниздә вә һәмчинин мүәссисәдә ҹәза чәкән мәһбуслара диггәтли олмағынызда ҝөрүрәм. Одур ки, бәзи мәсәләләрин даһа да тез һәллини тапмасына хидмәт етмәк үчүн (бир тәк Аллаһ хатиринә) билдирирәм ки:
1.Ҹ.Ч.Мүәссисәсиндә ҹәза чәкән мәһбусларын һидајәт олмасы, сағламлыг дурумларынын јахшылашмасы вә горунмасы.
2.Ҹ.Ч.Мүәссисәсинин әразисинин даһа да абадлашыб вә тәмиз сахланмасы.
3.Ән әсасы исә Мүәссисәдән мәһбусларын әксәријјәтинин ислаһ олунараг ҹәмијјәтимизә говушмасы үчүн… вә илахыр.
Мәнә акт залында һәфтәдә бир вә ја ики дәфә үмуми мәһбуслар үчүн (нә ки тәкҹә диндарларын иштиракы илә) "Ислам вә идман", "Ислам вә сағламлыг", Гәдим Тибет тәбабәти үсулу илә мүалиҹә вә профилактика", Ибн Сина вә тәбабәт" бу вә бу сајаг мөвзулар илә мәһбуслары азмыш вә өзләринин бир тәк Аллаһ тәрәфиндән шәрәфли вә ејибсиз јарадылдығларыны јадларына салмагла дүз јола чағырыб, пис јолдан узаглашдырмаг.
(Исламда,диндә "әмр бе мәруф" вә "нәһј әз мүнкәр" кими (фириуддинин 2 маддәсидир) вә ҝәләҹәк Азәрбајҹанымыза вә еләҹә дә үмумиликдә Дүнјаја сағлам, әгидәли, Аллаһдан горхан, ҹинајәтдән чәкинән,валидејнләринә вә јахынларына диггәтли олмагла һидајәт нуру ардынҹа ҝедәнләр дәстәси вермәк дурур ки, бу јолдан нә гәдәр мәһбус гајытса әјри әгидәдән сизин вә еләҹә дә бу тәшәббүсдә зәһмәти оланларын мүкафатыны һәм дүнјада, һәм дә Ахирәтдә Аллаһ Тәала тәрәфиндән верилмәсини сидги үрәклә истәјирәм. Вәссәлам!
Сизә дәрин һөрмәтлә:
Ахундзадә Руһуллаһ Һөҹҹәтуллаһ оғлу".
Диггәт: Хәбәрдән истифадә етдикдә мәнбәјә истинад лазымдыр
