Әһли Бејт -АБНА- хәбәр аҝентлијинин вердији хәбәрә әсасән Русија хариҹи ишләр назиринин мүавини Михаил Богданов Суријада һәрби гаршыдурманын хариҹи дәстәк һесабына террорчуларын гәләбәсилә баша чата биләҹәјини истисна етмир.
О, Русија Федерасијасы Иҹтимаи Палатасы јанында Бејнәлхалг Әмәкдашлыг үзрә Русија Иҹтимаи Шурасынын иҹласында чыхышы заманы билдириб: “...Тәәссүф ки, Суријада мүхалифәтин гәләбәсини истисна етмәк мүмкүн дејил. Гијамчыларын һазылыг просеси, хариҹдән силаһ дашынмасы вә бу јахынларда Милли Коалисијанын леҝитим һакимијјәт кими танынмасы онларын гәләбәјә олан инамыны даһа да артырыр. Онлар гәләбәнин узагда олмадығыны, өлкә әразисинин 60 фаизинә нәзарәт етдикләрини иддиа едәрәк вә “тезликлә, Һәләби әлә кечирәҹәјик дејирләр".
Диггәт: Хәбәрдән истифадә етдикдә мәнбәјә истинад лазымдыр
