Әһли Бејт -АБНА- хәбәр аҝентлијинин вердији хәбәрә әсасән Иран Ислам Республикасынын Хариҹи Ишләр Назирлијинин сөзчүсү Рамин Меһманпәрәст октјабрын 30-да журналистләрә ачыгламасында ИИР илә Азәрбајҹан арасындакы мүнасибәтләрдән данышыб.
Рамин Меһманпәрәст гејрилегал исраил сионист режиминин Азәрбајҹанла Иран Ислам Республикасы мүнасибәтләринә тәсири һагда јајылан мәлуматлара мүнасибәт билдириб: “Иран Ислам Республикасы илә Азәрбајҹан арасында јахшы вә ҝениш әлагәләр вар. Гаршылыглы әлагәләримиз өлкәләримизи елә бир истигамәтә јөнәлдир ки, бу мүнасибәтләри даһа инкишаф етдирмәк үчүн мөвҹуд бүтүн потенсиал вә имканларындан истифадә етсинләр. Иран Ислам Республикасы илә Азәрбајҹан өз араларындакы мүнасибәтләрә кәнардан һәр һансы тәсир ҝөстәрилмәсинә иҹазә вермәмәлидир.
Медиада сионист режимин бу мүнасибәтләрә тәсир ҝүҹү илә бағлы һәддән артыг мәлумат јајылыр. Лакин һесаб едирик ки, ишғалчы исраил режиминин Иран Ислам Республикасы илә Азәрбајҹанын мүнасибәтләринә бу гәдәр тәсир ҝөстәрә билмәз. Һамы чалышмалыдыр ки, өлкәләр арасындакы әлагәләр сионист режимин тәсири алтына дүшмәсин”.
Диггәт: Хәбәрдән истифадә етдикдә мәнбәјә истинад лазымдыр
