Әһли Бејт -АБНА- хәбәр аҝентлијинин вердији хәбәрә әсасән Ләнкәранда наразы вәтәндашлар автомобил јолуну бағлајыб.
Мәлуматына ҝөрә, Шағласер кәнди илә Ҹил кәнди арасындакы көрпүнү бағлајан вәтәндашлар Вилван кәндиндән Зөвлә кәндинә гәдәр јолун тәмирини тәләб едибләр.
Президент Илһам Әлијевин Ләнкәранын дағ кәндләринә ҝедән јолларын тәмири вә чәкилмәсилә бағлы сәрәнҹамында Ҝүнәһир вә диҝәр дағ кәндләри әкс олунса да, сәнәдә Вилван- Ҹилл-Хархатан Шағласер, Зөвлә кәндләриндән кечән јолун тәмири салынмајыб. Вәтәндашлар бәрбад һалда олан јолун тәмир едилмәсини истәјибләр.
Аксија јеринә Ләнкәран иҹра башчысынын мүавинләри вә полисләр ҝәлиб. Иҹра һакимијјәтиндән мәсәләнин арашдырылаҹағыны вәд едибләр. Аксија динҹ шәкилдә давам едиб.
Гејд едәк ки, аксијанын кечирилдији Ҹил кәнди ГМИ сәдри һаҹы Аллаһшүкүр Пашазадәнин доғма кәндидир.
Диггәт: Хәбәрдән истифадә етдикдә мәнбәјә истинад лазымдыр
