Әһли Бејт -АБНА- хәбәр аҝентлијинин вердији хәбәрә әсасән Франсада анти-Ислам сијасәт давам едир. Белә ки, бу јахынларда Франсанын Марсел шәһәриндә кечирилән аксијада полис 7 нәфәри сахлады. Ҝүнаһлары нигаб тахмаглары иди. Онлар 2011-ҹи илин апрелиндә чыхан вә үзү тамам өртмәји гадаған едән анти-Ислам гадағаны позмушдулар.
Бир илдән чохдур гүввәјә минмәсинә бахмајараг, тәрәфдарлары да, әлејһдарлары да бу ганунун елә дә тәсирли олмадығыны билдирир. Чохлары буну мүсәлманларла полисин јахшы мүнасибәтләри илә әлагәләндирирләр.
Франсанын Дахили Ишләр Назирлијинин сөзчүсү Пиерре-Һенрј Брандет билдириб ки, нигаб тахан 425 гадынын һәр бири 150 авро ҹәримәләниб. 66 гадына исә хәбәрдарлыг едилиб. Брандет билдириб ки, әксәр һалларда полис тәләб едәндә, гадынлар өртүјү чыхардыр. Ганунун тәрәфдарлары дејир ки, Франсанын дүнјәви республика дәјәрләрини горумаг үчүн бу, ваҹибдир. Лакин оналар ҝејим азадлығыны биләрәкдән әсла нәзәрә алмырлар.
Кенза Дридер аиләли мүсәлман гадын кими нигаб тахыр. Дејир ки, о, буну дини вәзифәси һесаб едир.
НИГАБ ӨРТДҮЈҮ ҮЧҮН ТӘҺГИР ОЛУНУР
Исламы сонрадан гәбул етмиш 4 ушаг анасы Кенза исә дејир ки, бу, бош, мәнасыз ганундур. Полис тәләб едәндә, о, өртүјү чыхардыр, сонра јенә тахыр. Дејир ки, јашадығы Авинјон шәһәриндә полис ону таныјыр. Сахламаг әвәзинә әл едиб ону саламлајыр.
Мәракешдән көчүб ҝәлмиш 33 јашлы Һинд Аһмас дејир ки, аиләси әлејһинә олса да, 8 илдир нигаб тахыр. Аһмас'ын 5 јашында гызы вар. Дејир ки, бу ганун онун һәјатыны алт-үст едиб. Нигаб өртдүјү үчүн тәһгир олунур. О, мәһкәмәјә мүраҹиәт етдијини, Авропа Инсан Һаглары Мәһкәмәсинә дә үз тутаҹағыны билдирир.
Дахили Ишләр Назирлијинин мәлуматына әсасән, 65 милјон әһали арасында нигаб таханлар 2 минә јахындыр. Онларын да чоху Аһмас кими фәал дејил.
Сен-Дени Мүсәлман Дәрнәкләри Бирлијинин баш катиби Муһаммед Һенниҹһе дејир ки, бу ганун нигаб тахан гадынларын фәалијјәт имканларыны мәһдудлашдырыр, онлар өз мәһәлләләриндән кәнара чыхмыр.
Хатырладаг ки, Франса Авропа өлкәләри арасында мүсәлманларын ән чох јашадығы өлкәдир.
Диггәт: Хәбәрдән истифадә етдикдә мәнбәјә истинад лазымдыр
