Әһли Бејт -АБНА- хәбәр аҝентлијинин вердији хәбәрә әсасән НАТО-нун баш катиби Андерс Фог Расмуссен ҹүмә ҝүнү Азәрбајҹан Дипломатик Академијасында (АДА) чыхыш едәркән билдириб: “Дағлыг Гарабағ мүнагишәсинин һәрби јолла һәлли мөвҹуд дејил”.
“Мүнагишәдә ирәли ҝетмәјин јеҝанә јолу диалог, компромис вә әмәкдашлыгдыр", - Расмуссен дејиб. Хәбәр баш катибин Тwиттер-дәки рәсми сәһифәсиндә верилиб.
"Мән Азәрбајҹанын забит Рамил Сәфәрову әфв етмәси гәрарындан сон дәрәҹә нараһатам. Бу, етимада зијан вураҹаг вә сүлһ просесинә јардым етмәјәҹәк", - НАТО баш катиби билдириб.
Онун фикринҹә, мүнагишә дирчәлмәмәлидир: "Реҝионда ҝәрҝинлик азалмалы, барышыг вә әмәкдашлыға јардым үчүн тәдбирләр ҝөрүлмәлидир. Азәрбајҹан НАТО-нун мүһүм тәрәфдашыдыр вә НАТО Азәрбајҹанын мүһүм тәрәфдашы галмагда давам едәҹәк".
P.S: Гејд едәк ки, Илһам Әлијев бир мүддәт өнҹә Дағлыг Гарабағ вә итирилмиш 7 рајон мәсәләси илә бағлы чыхышында “Лазым Ҝәләрсә торпагларымызы мүһарибә јолу илә аларыг” демишдир.
Диггәт: Хәбәрдән истифадә етдијдә мәнбәјә истинад лазымдыр
