Әһли Бејт -АБНА- хәбәр аҝентлијинин вердији хәбәрә әсасән Ҝеҹә саатларында Масаллы шәһәр полис идарәсинә апарылан Араз Гулијев вә Рза Ағалы саат 03:00-да сәрбәст бурахылыб. Сахланылмаглары барәдә ачыглама верән Хебер44.ҹом сајтынын рәһбәри Араз Гулијев вә Рза Ағалы бунлары деди:
"Масаллы шәһәри Талышханов проспектиндә јерләшән Ҝәнҹләр Мәркәзинин јахынлығындакы әрзаг дүканынын јанында дајанмышдыг. Масаллыда Бејнәлхалг Фолклор мүсабигәси кечирилдији үчүн әтрафда полис ишчиләридә вар иди. Бирдән гаршымызда полис идарәсинә мәхсус "Wолсваҝен" маркалы автомобил дајанды. Машындан дүшән мүлкү ҝејимли Назим Әкбәров адлы полис ишчиси аша-аша бизә јахынлашды. Јахынлашдыгда Н. Әкбәровун сәрхош олдуғуну билдик. О, ајаг үстә ҝүҹлә дајанырды. Сәрхош вәзијјәттә олан Назим бизи күчә сөјүшләри илә тәһгир етди вә онунла полис идарәсинә ҝетмәјимизи истәди. Бу заман онунла бирликдә олан мүлкү ҝејимли полис ишчиләри машындан дүшәрәк бизә јахынлашдылар. Биз онларында сәрхош олдуғуну ҝөрдүкдә онлара "сиз ичкилисиниз ҝедин ајыг полис ишчиси ҝәлсин ҹавабыны вердик." Бу ҹавабымыздан сонра онлар үстүмүзә һүҹум чәкдиләр. Һәтта мүлки ҝејимдә олан Рүфәт адлы полис ишчиси үстүмүзә силаһда чәкди. Сәрхош полисин әлиндә силаһын олмасы чох мүәммалыдыр.
Бу заман бизә әразидә олан полисләрдән бир нечә нәфәри јахынлашдылар. Онлар ишчи јолдашларынын сәрхош олдуғуну ҝөрүб бизә бурадан ҝедин дедиләр. Буна бахмајараг Назим Әкбәров вә онунла ҝәлән диҝәр мүлки ҝејимли полис ишчиләри сөјүш сөјәрәк бир даһа бизим үстүмүзә һүҹум чәкдиләр.
Ҹавид Мәммәдов адлы полис баш лејтинанты бизә јахынлашараг "нараһат олмајын онлар өз ҹәзасыны алаҹаглар, ҝедәк мәнимлә идарәјә орада данышарыг" деди. Биздә онунла бирликдә полис идарәсинә ҝетдик. Полис идарәсинин һәјәтиндә Назим Әкбәров јенидән сөјүш сөјәрәк үстүмүзә һүҹум чәкди.
Бизи рәис мүавини Фуад мүәллимин отағына апардылар. Фуад мүәллимдә һадисә јериндә олдуғуну вә Назим Әкбәровун һәрәкәтләринин өзбашыналыг олдуғуну бизә билдирди. Назим Әкбәровун бу өзбашына һәрәкәтинә ҝөрә Масаллы РПШ-нын рәис мүавини Әлифаға Казымовда ҝеҹәјлә идарәјә ҝәлди. О, да Назимин өзбашына һәрәкәтини билиб Назимин ҹәзаланаҹағыны билдирәрәк сәһәр саат 9:00-да идарәдә олмағымызы истәди. Идарәдә һадисә илә бағлы сәнәд вә ја изаһат јазылмады. Садәҹә сәрхош вәзијјәтдә олан Назим Әкбәровун евинә ҝөндәрилмәси әмри верилди.
Назим Әкбәровун диндарлардан хошланмадығыны билирик. Бу онун диндарлара гаршы етдији илк һәрәкәт дејил. Һәр һалда сәрбәст бурахылсагда Назим Әкбәровун вә диҝәр сәрхош полис ишчиләринин бу өзбашыналығы ҹавабсыз галмајаҹаг. Онлар буна ҝөрә өз ҹәзасыны алаҹаглар."
Диггәт: Хәбәрдән истифадә етдијдә мәнбәјә истинад лазымдыр
