Әһли Бејт -АБНА- хәбәр аҝентлијинин вердији хәбәрә әсасән Азәрбајҹан Ислам Партијасынын јарадылмасындан артыг 20 ил кечмәкдәдир. Бу илләр әрзиндә Азәрбајҹан Ислам Партијасы сијаси вә иҹтимаи бир тәшкилат олараг Азәрбајҹан халгынын милли вә мәнәви дәјәрләрин нә инки горујуб сахламыш һәтта бунларын инкишаф етдирилмәсиндә әбәссиз рол ојнамышыр.
Ислам Партијасынын илк ҝүнләрдән ҝөрдүјү фәалијјәтләр барәсиндә исламинсеси.аз сајты партија функсионери Фәјјаз Нәбизадәдән партија хатирәләри һаггында гыса мәгалә дәрҹ етмишдир.
Мәгаләни нәзәринизәчатдырырыг:
Бисмиллаһир Раһмәнир Раһим!
Азәрбајҹан Ислам Партијасы 1992-ҹи илдә Нардаран гәсәбәсиндә тәсис едилмишдир вә о заман да гејдијјатдан кечирилмишдир. АИП-ин јаранмасы вә тәсис олунмасы Азәрбајҹан халгына хидмәт етмәк вә милләтимизи дүз јола јөнәлтмәкдән ибарәт олуб. АИП-ә рәһбәр олараг Һаҹы Әликрам Әлијев сечилди. Һаҹы партијаја рәһбәр сечиләндән сонра сыраларымыз чохалмаға башлады. Сыраларын чохалмасы Һаҹынын Ислам динини дүзҝүн тәблиғ еләмәсинин нәтиҹәси иди. Севиндириҹи һаллардан бири дә бу иди ки, партијаја даһа чох зијалылар мүраҹиәт едирдиләр. Ислам Партијасы өз фәалијјәти дөврүндә Азәрбајҹанда мәсум имамларын мөвлудуну вә шәһадәтләрини кечирмиш вә халга әсл дини дәјәрләримизи анлатмышдыр. Мәрһум Һаҹы Әликрамын сәјләри нәтиҹәсиндә кечмиш “Ленин”, индики “Һејдәр Әлијев” сарајында Ханым Фатимеји-Зәһранын (с.ә) мөвлуду кечирилди. Мәҹлисдә, тәхминән, ики мин беш јүздән чох инсан топлашса да, чохларына јер чатмады. Рәһмәтлик өз фәәалијјәти дөврүндә мәнфур дөвләтләрин Азәрбајҹана мәнәви зәрбә вурмаларынын да чох гаршысыны алыб. Һаҹынын Ислам динини дүзҝүн шәкилдә јајмасы нәтиҹәсиндә Нардаран кәндиндә бир дүканда белә олсун, ички сатылмады. Намаз гылмајанлар намаза башлады, ички ичәнләр ичкини тәрҝитди, хүмс вермәјәнләр өз хүмсләрини вердиләр. Бир сөзлә, мән буну дејә биләрәм ки, Һаҹы халгымыза санки бир немәт олараг бәхш едилмишди. Мән Аллаһдан она рәһмәт диләјирәм.
Елшән Ҹәфәри
Диггәт: Хәбәрдән истифадә етдијдә мәнбәјә истинад лазымдыр
