Әһли Бејт -АБНА- хәбәр аҝентлијинин вердији хәбәрә әсасән бәднам “евровисион” 2012 фәсад мүсабигәсинин уғурсуз һәјата кечмәсинә бахмајараг өлкәни идарә едән “команда”нын садиг муздурлары мүхтәлиф јоллара әл атараг мәһз Фәсадын иҹтимаијјәтдә јајылмасына сәј едирләр. Белә ки, диа.аз сајтына дахил олан мәлуматда билдирилир ки, Гафгаз Мүсәлманлары Идарәсинин сәдри, Һаҹы Аллаһшүкүр Пашазадәнин гудасы Һаҹы Мазан Азәрбајҹанда бир сыра фәсад мәркәзләри ачараг әхлагсызлығы режим мәмурлары сәвијјәсиндә јајмагла мәшғулдур.
Азәрбајҹанда бир чох гаранлыг бизнес фәалијјәти илә бағлы ады һалландырылан Һаҹы Мазан һәмчинин онларла објектә дә саһибдир ки, онларын да әксәријјәти ишлә бағлы јетәринҹә шүбһәли мәгамлар вар.
Диа.аз-ын иддиасына ҝөрә, мөтәбәр мәнбәдән редаксијаларына билдирилиб ки, Масаллы рајону әразисиндә Һаҹы Мазана аид онларла ресторан, мағаза, отел вә мүхтәлиф иашә објектләри фәалијјәт ҝөстәрмәкдәдир. Амма онларын арасында бири вар ки, һәмин објект әслиндә һеч дә адына ујғун шәкилдә истисмар олунмур. Сөһбәт Масаллынын Гәрибләр кәнди әразисиндә јерләшән «Виләш» Һотелдән ҝедир.
Мәнбә билдирир ки, әслиндә пајтахтдакы бир чох мәмурлар үчүн «хәлвәт» функсијасыны һәјата кечирән «Виләш» Һотелин бу ҝүнә кими тохунулмаз галмасынын вә дөвләтин мүвафиг гурумларынын һәр һансы тәдбиринин һәдәфинә чеврилмәмәсинин әсл сәбәби мәһз һәмин отелин архасында Һаҹы Мазанын дајанмасы вә бу отелин хидмәтләриндән даһа чох мәмурларын истифадә етмәси фактлары дајанмагдадыр.
Мәлуматлара ҝөрә, «ҝәрҝин иш јорғунлуғундан» сонра бәзи мәмурлар һәмин отелдә мүхтәлиф өлкәләрдән ҝәтирилмиш гадынлары сифариш едәрәк, онларла әјләнирләр ки, бунун да мүгабилиндә чох бөјүк мәбләғдә пулларыны верирләр. Һәмин отелдә тәсадүфи адамлара исә чох надир һалларда раст ҝәлмәк мүмкүндүр.
Гејд едәк ки, бу објектин фәалијјәтилә бағлы бу ҝүнә кими мәтбуатда дәфәләрлә јазылса да, Һаҹы Мазанын ады илә һәмин КИВ-ләр сусдурулуб. Дахили Ишләр Назирлији Инсан Алверинә гаршы Мүбаризә Идарәсинин исә нәјин мүгабилиндә сусдуғуну тәхмин етмәк о гәдәр дә чәтин дејил. Мөвзу диггәтимиздәдир. Бүтүн тәрәфләри динләмәјә һазырыг…
Диггәт: Хәбәрдән истифадә етдикдә мәнбәјә истинад лазымдыр
