Әһли Бејт -АБНА- хәбәр аҝентлијинин вердији хәбәрә әсасән Күрдәмир рајонунун Ҹарлы кәнд сакини Мәнсума Иманвердијева “Азадлыг”а мүраҹиәт едиб. О, һәјат јолдашы Әһлиман Иманвердијевин башына ҝәтирилән дәһшәтли һадисәдән јазыб. Редаксијамыза онун јаралы шәкилләрини дә тәгдим едән шикајәтчи көмәксиз Азәрбајҹан гадыны вә вәтәндашы олараг она бир ана кими көмәк олунмасыны хаһиш едиб. Һадисәнин маһијјәтисә беләдир:
“Һәјат јолдашым Әһлиман Иманвердијеви кечән ајын 26-да ики нәфәр кәнд сакини - Сәхавәт вә Азәр Абдуллајев гардашлары вәһшиҹәсинә дөјәрәк пис һала салыб. Онлар Әһлиманы өлүмҹүл вәзијјәтә салараг һеч бир јардым етмәдән атыб гачыблар. Алдығы дөзүлмәз зәрбәләрдән шока дүшән вә һушуну итирән һәјат јолдашым бир нечә саатдан сонра өзүнә ҝәлиб вә сүрүнә-сүрүнә евә чатыб. О евә чатанда ону танымадым, чүнки ал-ган ичиндә иди. Сонрадан исә онун Әһлиман олдуғуну ҝөрәндә оғланларыма зәнҝ еләдим вә ону Күрдәмир Рајон Хәстәханасына чатдырдыг. Һәкимләрин көмәји вә илк јардымы нәтиҹәсиндә Әһлиманын һәјаты хилас едилди.
О, бир нечә јериндән ағыр бәдән хәсарәти алыб, бејниндә титрәмә, сағ тәрәфиндә сәккизинҹи габырға сынығы, чәнә вә дишләрин гырығы, бәдән наһијәсиндә сајсыз-һесабсыз гаралтылар ашкарланыб.
Гејд едим ки, Абдуллајев гардашлары илә һәјат јолдашым арасында бир мүддәт өнҹә јүнҝүл мүбаһисә олуб вә һамы буна әһәмијјәтсиз јанашыб. Сәхавәт Абуллајев Санкт-Петербургда јашајыр вә кәндә ҝәләрәк гардашыјла бирҝә бу һадисәни төрәдиб. Ҹинајәти төрәдәнләр барәдә полисә вә прокурорлуға дәфәләрлә мүраҹиәт етмишик. Амма һеч бир әмәли тәдбир ҝөрүлмәјиб. Һәмин гардашларын изаһаты алынараг сәрбәст бурахылыб. Мәһкәмә исә “јүнҝүл бәдән хәсарәти”јлә мәһдудлашыб. Бизим хәбәримиз олмадан кечирилән мәһкәмәдән наразылығымызы билдирәндә исә гаршы тәрәф ишин тәкрар полисә гајтарылмасыны билдирир. Бир Азәрбајҹан вәтәндашы олараг хаһиш едирәм ки, мәнә бу чәтин вә тәнһа вәзијјәтимдә көмәк едәсиниз. Һәјат јолдашым һәлә дә хәстәханададыр, вәзијјәти гисмән дүзәлиб, амма там һәрәкәт игтидарында дејил. Дүшдүјүмүз вәзијјәтин аидијјәти органлара рәсми формада чатдырылмасыны хаһиш едирәм".
Диггәт: Хәбәрдән истифадә етдикдә мәнбәјә истинад лазымдыр
