“Гәрәзсиз” телеканалларын гәрәзләри

 Бу шәһид дә диҝәр шәһидләр кими “Кәлмеји-Шәһадәти”ни дилинә ҝәтириб әманәт олан ҹаныны јары олан Аллаһына гајтарды. Бәли, Аллаһ башга ҹүр әманәти ҝери алмаз. Шәһадәт вериб Аллаһдан ҹан истәмишди бу дүнјада јашамағы үчүн вә шәһадәтлә дә ҝери гајтармалыјды Һаҹы Вагиф...Мәни ағрыдан башга бир мәсәләдир: Вагиф Абдуллајев шәһид оланда тележурналистләримиз дә диҝәр өлкә вәтәндашлары кими, тәбии ки, бунун шаһиди олдулар. Онларын вәзифә борҹлары иди ки, бу мүгәддәс шәһадәтин шаһиди олдуглары үчүн халгын, дүнјанын мүшаһидәсинә версинләр бу шәһидин дәфнинин видеосүжетини. Нәинки видеоҝөрүнтү, гуруҹа хәбәрини белә чох ҝөрдүләр халгымыза. Әслиндә, бунунла даһа бир журналистика, медиа хәјанәтинә адларыны јаздырды телеканалларымыз. Гәрәзсиз ишләмәләрини аз гала ҝөзүмүзә дүртән телеканаллар гәрәзләринин маһијјәтини ҝөстәрдиләр бизә. Вә бунунла да әсл һәгигәтләрини сүбут етдиләр. Һаҹы Вагиф вә һәбс олунмуш диҝәр гәһрәманларымыз бәраәт алаҹаг иншааллаһ. Вә бу халгын истәјилә һәјата кечәҹәк. Амма сизә бәраәт верилҹәкми, вә ја сиз һәја едиб бу бәраәти истәјәҹәксинизми, еј гәрәзсизликдән дәм вуран телеканаллар?!! Бәлкә дә ону шәһид едәнләрин ҝүнаһы сиздән аз олаҹаг. Чүнки она әдаләтсиз һөкм охујанларын өзләри долајысы јолларла дәфәләрлә халга чатдырмышлар ки, бу сифаришләдир вә бунунла да әдаләтсиз олдугларыны бизә демишләр. Амма сиз... Сиз ахы башга иддиадасыныз! Сиз ахы өзүнүзү әдаләт ҹарчысы һесаб едирсиниз. Јох, даһа халгымыз сизин бу ҝәлишиҝөзәл сөзләринизә инанмајаҹаг. Елә ән бөјүк әдаләт мәһкәмәси дә сизин үчүн гурулаҹаг Гјамәт ҝүнү. “Гәрәзсиз” гәрәзлиләр!!!