Ҹинајәткар режимин нөвбәти гурбаны

 АИП-ин һәбсдә олан сәдр мүавини Вагиф Абдуллајев дүнјасыны дәјишиб. Бу барәдә ФактХебер.ҹом-а мәрһумун јахынлары мәлумат вериб. Аилә үзвләринин вердији мәлумата ҝөрә, Вагиф Абдуллајев Пентенсиар Хидмәтинин Мүалиҹә мүәссисәсиндә дүнјасыны дәјишиб. Аилә үзвләри һәмчинин билдирибләр ки, дүнән Вагиф Абдуллајевлә ҝөрүшмәк истәмәләринә бахмајараг, онлара ҝөрүш үчүн иҹазә верилмәјиб.Гејд едәк ки, бир мүддәт өнҹә Вагиф Абдуллајевин ган нүмунәләри Онколоҝија хәстәханасына ҝөндәрилдикдән сонра мәлум олуб ки, АИП функсионеринин ганында хәрчәнҝ хәстәлији вар. Һәкимләр онун хәстәлији илә әлагәдар гапалы шәраитдә сахланыла билмәмәси рәјини верибләр. Буна бахамајараг онун азадлыға бурахылмасына вә аилә үзвләри илә ҝөрүшүнә иҹазә верилмәмишди.Хатырладаг ки, Вагиф Абдуллајев 2011-ҹи илин јанварын 7-дә јол полиси тәрәфиндән сахланылыб вә барәсиндә Нәриманов рајон мәһкәмәси тәрәфиндән 15 сутка инзибати һәбс тәнбеһ тәдбири тәтбиг едилиб. Даһа сонра барәсиндә 3 ајлыг һәбс гәти имкан тәдбири сечиләрәк, Азәрбајҹан Республикасы Ҹинајәт Мәҹәлләсинин 28, 214.2.1, 28, 214.2.3, 228.3 вә 278-ҹи маддәләри үзрә истинтага ҹәлб едилиб. Бакы Ағыр Ҹинајәтләр мәһкәмәсинин 7 октјабр 2011– ҹи ил тарихли һөкмү илә Вагиф Абдуллајев 11 ил мүддәтинә азадлыгдан мәһрум едилиб. АИП функсионеринин апеллјасија шикајәти тәмин олунмајыб.Аллаһ рәһмәт еләсин.