Әһли Бејт -АБНА- хәбәр аҝентлијинин вердији хәбәрә әсасән Ләнкәран рајонунда полис әмәкдашынын бычагланмасы илә нәтиҹәләнән инсидент баш вериб.
Өтән ҝүн ахшам саатларында Ләнкәран шәһәр Полис Шөбәсинә рајонун Ҝөјшабан кәнди әразисиндә наркотик битки беҹәрилмәси барәдә мәлумат дахил олуб.
Мәлуматын рајон Полис Шөбәсинин рәис мүавини Габил Тағыјев тәрәфиндән верилдији билдирилиб. Бунунла бағлы әмәлијјат-истинтаг групу јарадылыб, полис әмәкдашлары ҝеҹә һадисә јеринә ҝедибләр. Бу заман Ҝөјшабан кәнд сакини, 1976-ҹы ил тәвәллүдлү Мәзаһир Ҝүлаға оғлу Һәбибовун 3 һектар гамышлыг әразинин 1 сотунда 3 истигамәтдә 130-а јахын марихуана биткисинин агротехники гајдада беҹәрилмәси факты ашкарланыб.
Һәмин шәхс полис әмәкдашларына мүгавимәт ҝөстәриб, полис әмәкдашларындан биринә 3 бычаг зәрбәси вуруб. О диҝәр полис әмәкдашыны бычагла вурмаг истәјәндә јараланан полис табел силаһындан атәш ачараг ону зәрәрсизләшдириб. М. Һәбибов сахланылыб.
Әмәлијјат групу бу ҝүн сәһәр јенидән әразијә бахыш кечириб. Орадан 130-а јахын кол, 30 килограма јахын гурудулмуш марихуана ҝөтүрүлүб.
Диггәт: Хәбәрдән истифадә етдикдә мәнбәјә истинад лазымдыр
