Әһли Бејт -АБНА- хәбәр аҝентлијинин вердији хәбәрә әсасән Мисир парламентиндә радикал дини груп олан сәләфиләрин милләт вәкили Әли Ванис 23 јашында бир гадынла јахаланыб.
“Гафгазинфо”нун хариҹи КИВ-ләрә истинадән хәбәринә ҝөрә, полис милләт вәкилини шәхси автомобилиндә “ујғунсуз һалда” сахлајыб. Мисирин рәсми хәбәр аҝентлији МЕНА хәбәр вериб ки, һүгуг-мүһафизә органлары Нур партијасындан олан депутатын “иҹтмаи әхлага зидд” иттиһамы илә мүһакимә олунмасы үчүн өлкә парламентиндән разылыг истәјиб.
Полис јол кәнарында дајанмыш автомобилә бахыш кечирәркән Ваниси ичәридә үзү нигаблы бир гадынла ҝөрүб. Полисләр милләт вәкили олдуғуну билмәдикләри Ванисин вә гадынын машында “гејри-әхлаги вәзијјәтдә” олдугларыны билдирәрәк, икисинә дә полис идарәсинә апарыб. Ванис исә интернет сајтында видео мүраҹиәтлә өзүнү мүдафиә едәрәк, гадынын гоһуму олдуғуну вә ону мүалиҹәјә апардығыны дејиб.
Диггәт: Хәбәрдән истифадә етдикдә мәнбәјә истинад лазымдыр
