Әһли Бејт -АБНА- хәбәр аҝентлији- Заваллы мәмләкәтин демократија тамарзыларынын, илләр узуну елементар инсани һүгуглардан мәһрум едилмиш милјонларла Азәрбајҹан вәтәндашынын һәсрәтлә ҝөзләдији сәфәр санки бир ҝөз гырпымында өтүб кечди. Бәли, мәмур өзбашыналығындан, аддымбашы тәпәгапаз едилмәкдән ҹана дојмуш хејли сајда инсан АБШ дөвләт катиби Һиллари Клинтонун бөлҝәјә сәфәри чәрчивәсиндә Бакыја да тәшриф бујураҹағыны ешидәндән јаманҹа севинмишдиләр. Чохларынын ҝөзләринә ишыг ҝәлмишди ки, сән өләсән көпәјин гызы ҝәлиб Азәрбајҹан һакимијјәтинә од гојаҹаг ки, сиз нијә бизим чағырышларымызы гулагардына, даһа доғрусу пејсәрә вурурсунуз, инсанларын филан – филан һүгугларыны позурсунуз. Амма мән бу америкалылара һеч заман етибар етмәмишәм, һәтта онлары инҝилисләрдән дә ријакар вә јүзүзлү, миндилли һесаб етмишәм. Ханым Клинтонун сәфәри дә гәнаәтимдә јанылмадығымы бир даһа әмәллиҹә исбатлады. Залымын гызы Ирәванда бир, Ҝүрҹүстанда башга шеј данышды, Азәрбајҹанда исә нала – мыха вурараг әслиндә бөлҝәјә турист сәфәринә чыхдығыны ҝөстәрди.
Һиллари хала Ирәванда үч ермәни әсҝәринин Азәрбајҹан тәрәфиндән өлдүрүлмәсинә аз гала ағы деди, “әзабкеш” ермәни халгына башсағлығы верди, бунунла үрәји сојумајыб ҹоҹуг гатили Серж Сәркисјана јалварды ки, сүлһә садиглик нүмајиш етдирсин. Һалбуки онун минләрлә ҝүнаһсыз азәрбајҹанлынын өлүмүнүн баискары олдуғуну тәфсилатыјла билирди, ән азы Хоҹалы гәтлиамынын мемары вә иҹрачысы олдуғуну ешитмишди, анҹаг ишғалчыны һәдәләмәкдәнсә онун башыны сығаллады. Бунунла кифајәтләнмәјиб јенә дә ләнәтә ҝәлмиш Сүрих протоколларыны хатырладыб Түркијәјә сәсләнди ки, бу мәсәләјә јенидән бахсын, әҝәр мүнагишәни өлү нөгтәдән тәрпәнмәсиндә мараглыдырса ҝүзәштә ҝетсин.Һәлә бу һарасыдыр, елә ки, Клинтон Звартнос аеропортунда зүһур етди. Она хәбәр вердиләр ки, артыг АБШ конгресинин бир груп үзвү Азәрбајҹанын тәхрибатчы һүҹуму нәтиҹәсиндә бир нечә ермәни әсҝәринин өлүмү мүнасибәтијлә бәјанатла чыхыш едибләр, АБШ – ы рәсми Бакыја һәрби ләвазиматлар сатмагдан чәкинмәјә вә 907 – ҹи дүзәлиши гүввәдә сахламаға чағырыблар. Ај јаланса сиз өләсиниз, Клинтона ҝүн кими ајдын иди ки, онун реҝиона ҝәлиши “шәрәфинә” ҹәбһәдә белә бир инсидент јашанаҹағы әввәлҹәдән планлашдырылыб вә ермәнипәрәст конгресменләрин һәмин бәднам бәјанатынын мәтни дә бир нечә ҝүн әввәлҹә Һиллари халајла разылашдырылыб.
Јери ҝәлмишкән, мәним бу јарамаз “јанки”ләрә нифрәтимин тәмәли ишғала мәруз галан тәрәф олдуғумуз һалда 92 – ҹи илин о ағыр вә үмидсиз ҝүнләриндә АБШ Конгресинин Азәрбајҹана дөвләт хәттијлә јардымы гадаған едән бәднам “Азадлығы Мүдафиә Актына 907 – ҹи дүзәлиш”и гәбул етмәсиндән сонра гојулуб. Азадлыг вә әдаләт ҹарчысы кими өзүнү дүнјаја тәгдим едән бу дөвләт мәһз һәмин һадисәдән сонра ҝөзүмдән дүшдү...
Батумидә Мишанын бир ҝеҹәлик гонағы олдугдан сонра әрҹијәзи Билли севҝилиси Моникаја һәдијјә едән ханым Клинтон бир нечә гәдәһ ҝүрҹү шәрабы ҝилләдиб һаллы – һаллы ҝүнорта саатларында Бакыја халахәтрин галмасын, неҹә дејәрләр, гуш гојмаг хатиринә сәфәрә ҝәлир вә бурда да һәјасызҹасына ермәнипәрәстлик сәрҝиләмәкдән чәкинмир. Онун Илһам Әлијевдән атәшкәсә садиг галмасы вә һалалҹа торпагларымызы силаһ ҝүҹүјлә алмагдан имтина етмәсијлә бағлы истәји исә әсл американ һәјасызлығы иди. Ахы ишғалчыјла ишғала мәруз галана фәрг гојмамаг бир јана, ишғалчыја һавадарлыг етмәк јарамазлыгдыр. Мән әминәм ки, нәинки бәјәнмәдијимиз руслар, һеч инҝилис көпәјушағы да буну етмәзди. Анҹаг америкалылар буну асанлыгла едир вә әвәзиндә биздән һәлә дә нәләрисә истәмәкдә давам едирләр...
Зүлфүгар Һүсејнзадә
Диггәт: Хәбәрдән истифадә етдикдә мәнбәјә истинад лазымдыр
