Әһли Бејт -АБНА- хәбәр аҝентлијинин вердији хәбәрә әсасән Ислами Ојаныш Ассамбелејасынын баш катиби Ислам өлкәләриндә баш верән ојанышын Иран Ислам Ингилабынын тәкрары адландырыб.
Әли Әкбәр Вилајәти бу ҝүн Теһранда кечирилән Јахын Шәрг һадисәләри вә ҝәләҹәкдә реҝионал низам адлы тәдбирдә дејиб: Гәрбдән асылы диктаторларын сүгутуна сәбәб оланлар һеч вахт ҝери гајытмајаҹаглар.
Вилајәти дејиб: Сионист режим вә бәзи реҝион өлкәләри ојанышын өлкәләринә сирајәт етмәсиндән горхурлар. Онлар ингилаблары мәғлуб етмәјә чалышыр, јолундан аздырыр, ән азындан исә таразлыг јаратмаға ҹәһд ҝөстәрирләр.
Әли Әкбәр Вилајәти сөһбәтинин давамында гејд едиб: Бүтүн мүсәлманларын сон үмиди Ирандыр вә мүхтәлиф милләтләрин бир араја ҝәлиб бу зәминдә фикир мүбадиләси апармасы ислам тарихиндә мисилсиздир.
Бөјүк Рәһбәрин али мүшавири һәмчинин Мисирдә президент сечкиләри мәсәләсинә дә мүнасибәт билдирәрәк дејиб: Мисирин һазыркы шәраити олдуғу кими давам едәрсә, хариҹи амилләр тәсир ҝөстәрмәзсә, исламчылар гәләбә чалаҹаг.
Ислами Ојаныш Ассамбелејасынын баш катиби сонда билдириб: Ислам Дүнјасына ишдә вә сөздә садиг олан өлкә һаким кәсиләҹәк. Чүнки сионист режим кими сахта режимләри дәстәкләјән өлкәләр һеч вахт Исламын рәһбәрлијинә лајиг олмајаҹаглар.
Ислами Ојаныш Ассамбелејасынын баш катиби “Ислами Ојаныш Гадынлары” бејнәлхалг конфрансы барәдә дә мәлумат верәрәк дејиб ки, бу конфранс јај мөвсүмүндә Теһранда тәшкил олунаҹаг. (ТР)
Диггәт: Хәбәрдән истифадә етдикдә мәнбәјә истинад лазымдыр
